كود سبور//
نوه الأرجنتيني خورخي سامباولي المدرب الجديد ديالو فريق إشبيلية الصبليوني بالإمكانيات اللي كيتوفر عليها الدولي المغربي يوسف النصيري مهاجم الفريق الأندلسي.
وأكد سامباولي اللي سنا معه إشبيلية الخميس عقد باش يدربو فالمرحلة المقبلة، أن الدولي المغربي يوسف النصيري داخل فالأفكار ديالو مع الفريق، وقال فتصريح للموقع الرسمي الخاص بالنادي أن النصيري من بين الاختيارات اللي عندو فهجوم الفريق وأن المهاجم المغربي كيتحرك بشكل كثير فالملعب، وغادي يخدم معه لتطوير هجوم إشبيلية.
للإشارة، كان يوسف النصيري سجل الأربعاء الماضي، فماتش ديال إشبيلية وبروسيا دورتموند فدوري أبطال أوروبا، من مدة وهو ما كايماركيش، مع العلم أن هاذ البيت هو الوحيد ديال إشبيلية فالمباراة اللي خسرها بنتيجة 4 أهداف مقابل واحد، وتم من بعد منها إقالة المدرب لوبيتيكي وتعيين سامباولي فبلاصتو.