كود سبور//
انفرد فريق اتحاد طنجة بصدارة البطولة الاحترافية لكرة القدم، بعدما ربحو اليوم الأحد المضيف ديالهم أولمبيك أسفي فتيران المسيرة الخضرا، برسم الدورة 6.
وسالا الماتش بين اتحاد طنجة وأولمبيك أسفي برباح الضيوف بنتيجة 3 لجوج، وماركا أهداف الطنجاويين كل من فوزي عبد المطلب فالدقيقة 41، جواد غبرة فالدقيقة 51، وحمزة الواسطي فالدقيقة 69، أما هدف أولمبيك آسفي الوحيد فهاد الماتش ماركاه لهم شيخنا ساماكي فالدقيقة 58، وعبدو اللاي ديارا فالدقيقة 92.
الماتش بين اتحاد طنجة وأولمبيك آسفي عرف احتجاج الجماهير المسفيوية على العصبة الوطنية لكرة القدم الاحترافية ورئيسها عبد السلام بلقشور، وطلعو ميساج ساخر مكتوب فيه: “آش خاصك آلعريان … دوري التميز آمولاي”، وكذلك شيرو على الحكم المساعد للراس، وهاذ الشي تسبب فتوقف الماتش بينما تقدمت له الإسعافات الأولية.
وبهذا الهدف خداو اتحاد طنجة 3 النقاط عزز بها الفريق الرصيد ديالو اللي ارتفع إلى 12 نقطة، وخداو طنجاوا الصدارة بوحدهم، أما أولمبيك آسفي بقات عندهم 7 النقاط ومحتلين المركز 12.
