كود سبور//
واجد الدولي المغربي عز الدين أوناحي، وغادي يقدر يرجع يلعب مع الفريق ديالو جيرونا الإسباني بعد شهر ونص وهو گالس ما كايلعبش بسبب الإصابة اللي تعرض لها فكاس إفريقيا مع المنتخب الوطني المغربي.
وغادي يكون حاضر عز الدين أوناحي مع جيرونا فالماتش ديال الفريق غدا الاثنين ضد ديبورتيفو ألافيس ضمن منافسات بطولة الصبليون، ودارو المدرب ديال جيرونا فلاليست د الفريق فهاد الماتش.
الرجوع ديال عز الدين أوناحي فهاد الوقت باش يلعب، مهم له بزاف وغادي يخليه يرجّع الفورما على بعد شهر تقريبا من الماتشات الوديين ديال المنتخب الوطني المغربي بجوج ضد كل من الإكوادور والباراگواي استعدادا لكأس العالم 2026، باش يبين بلاصتو فليكيب ناسيونال.