گود سبور//
لاعب منتخب لاجئات أفغانستان النسوي، بطولة ودية مصغّرة بالمغرب، من تنظيم الاتحاد الدولي لكرة القدم.
البطولة كان من المقرر أنها تلعب بالإمارات، ولكن الاتحاد الدولي لكرة القدم، قرر ينقلها إلى المغرب، وبدات اليوم الأحد 26 أكتوبر 2025 بمدينة برشيد، بماتش بين منتخب اللاجئات الأفغانيات للسيدات ومنتخب التشاد، وغناو فيه الأفغانيات النشيد الوطني الحقيقي ديالهم قدام العلم الرسمي والحقيقي ديالهم اللي معترف بهم من طرف الأمم المتحدة والعالم ماشي علم طالبان ومشارك فـ هاد البطولة المنتخبات اللي يالاه باديين فـ الكورة النسوية، وبخلق ليبيا ومشترك حتى منتخب تونس.
وبالرجوع إلى منتخب اللاجئات الأفغانيات د العيالات، راه تأسس حيث جماعة طالبان المتشددة دينيا اللي حاكمين أفغانستان من 2021، منعو العيالات الأفغانيات من ممارسة الرياضة وهذا الشي اللي خلى عدد من اللاعبات الأفغانيات يهبرو من بلادهم والحگرا والاضطهاد ديال الجماعة المذكورة.
وحسب الفيفا فـ منتخب اللاجئات الأفغانيات اختارو سميا رسمية جديدة للمنتخب وهي “عيالات أفغانستان متحدات”، وهذا الشي بعد التشاور مع الفيفا.
وللإشارة فـ قبل سيطرة طالبان على أفغانستان من بعد انقلاب داروه على الرئيس، كانو عند أفغانستان 25 لاعبة محترفة ومرتبطة بعقود مع أندية، قبل ما يهربو لأستراليا.
https://www.facebook.com/share/v/1GcxAad6CP/?mibextid=wwXIfr
https://www.facebook.com/share/v/1CPiyJJ78c/?mibextid=wwXIfr
https://www.facebook.com/share/p/1Re3LqzM9X/?mibextid=wwXIfr