كود سبور//
كيعرف افتتاح كأس إفريقيا لأقل من 23 عام “موروكو 2023” اللي كاين اليوم السبت فتيران مولاي عبد الله بالرباط، حضور ضعيف ديال الجمهور.
و واخا المنظمين ديال كأس إفريقيا لأقل من 23 عام، دارو الدخلة للتيران غير بمبلغ 20 و 30 درهم، ولكن كاين عزوف على حضور الماتش الأول من البطولة واللي غيبدا مع 9 الليل بين المنتخب الوطني المغربي الاولمبي ومنتخب غينيا.
للإشارة، فالبطولة ديال كأس إفريقيا لأقل من 23 عام، كتبقى مهمة حيث غتخلي المنتخب الوطني المغربي لاقل من 23 عام يوجد لاعبين للمستقبل باش يهزو توني ليكيب ناسيونال A، وكذلك راه مؤهلة للألعاب الأولمبية باريس 2024، بالنسبة للبطل ديالها والوصيف ومول المركز الثالث.
