كود كازا ///
نفى مسؤول جامعي ل”كود” ان يكون شي عضو من اعضاء المكتب الجامعي الحالي للجامعة الملكية المغربية لكرة القدم٬ قد توصل بشي استدعاء من قبل الشرطة القضائية للاستماع ليه فقضية فضايح التذاكر في المونديال الاخير
المصدر اكد ل”كود” انو لحد الان ما كاينش شي حد من المكتب الحالي توصل باستدعاء او باتصال هاتفي باش يسمعو ليه
دابا فضايح التذاكر كاين تحقيق اداري داخلي فتحاتو الجامعة وعلن عليها رئيسها فوزي لقجع قبل ايام وغادي يتعلن عليها وكاين القضاء اللي فتح تحقيق وبداه هادي مدة وكيشمل اطراف كثيرة. سبق وسمع لشي صحافي ويتوقع يسمع لشي جوج كما شمل التحقيق حتى شي وكالات اسفار يمكن حصلات على تذاكر فابور وباعتها للمغاربة فباكيدج بالاضافة الي استغلالها لبيي الطيارة المدعمة من قبل الحكومة ديال 5 الاف درهم ذهاب واياب