وكالات //
قضية نجمة الباسكيط الميريكانية بريتني غراينر غادية وكتكبر بعدما قررات روسيا أنها تنقلها لمستعمرة عقابية في منطقة موردوفيا الروسية باش دوز العقوبة السجنية ديالها.
روسيا كانت حكمات في شهر 8 لي فات على بريتني غراينر ولي كتعتبر من أبرز نجمات الباسكيط بالحبس 9 سنين، بعدما لقات عندها سيجارة إلكترونية فيها زيت الحشيش.
وبسبب شد لي نقطع ليك لي بين ميريكان وروسيا، موسكو قررات توجه تهمة الاتجار في المخدرات لبريتني غراينر، في الوقت لي واشنطن كتطلب بإطلاق السراح ديالها.
وطاحت بريتني غراينر ضحية ديال العلاقة المتوثرة بين بلادها لي كتدعم أوكرانيا في الحرب ضد روسيا.