كود سبور//
عبر جورجي براز مدرب المنتخب البرتغالي لكرة القدم داخل القاعة، على الإعجاب ديالو بالمنتخب الوطني المغربي الخصم ديالهم الجاي فمونديال الفوتسال والطريقة اللي كايلعب بها تحت إشراف المدرب هشام الدگيگ، وأكد أن الماتش غايكون صعيب ضد بطل إفريقيا.
وتكلم جورجي براز فتصريح لـ”گود”، وقال: “خاصنا نبداو نوجدو لماتش المغاربة، تكلمت مؤخرا مع هشام الدگيگ، اللي كانحتارمو بزاف، والمنتخب المغربي عندو شخصية قوية وكايبدع فاللاعب”.
وكمل مدرب البرتغال: “الطريقة اللي كايلعبو بها الفوتسال هي أكثر حاجة كانبغي، وكانو واعرين بزاف فكأس أفريقيا الأخيرة، وعندهم واحد من أحسن المنتخبات فالعالم”.
وأكد مدرب البرتغالي: “الماتش ضد المغرب ما غايكونش ساهل نهائيا، وفآخر مونديال سالينا معادلين، والمنتخب المغربي دابا عندو النيفو ديال المنتخبات اللي ربحت كأس العالم، وكانحتارم بزاف الخدمة اللي كايديرو، والماتش ضدهم غايكون معقد، وغايكون ماتش زوين للفوتسال”.
