كود سبور كازا ///
حارس المنتخب المغربي منير لمحمدي عيى من السعودية. الحارس الثاني للاسود اللي كيلعب دابا فالدوري السعودي باغي يرجع للصبليون او لشي نادي اوربي.
واخا كلشي دابا ولى باغي يمشي للسعودية وكلشي كيسيني مع الاندية ديالو٬ لكن لمحمدي دار تجربة وباغي يرجع لاوربا.
ماشي هو. لعابة خراين سبقوه دوزو عام فالخليج وعياو. صعيب تلعب فالخليج. تماك خاصك تمشي تجمع لفلوس وترجع فحالك فاقرب وقت.