گود سبور//
تقصاو الجزائر مرة اخرى من الدور الاول لكاس افريقيا للامم، وهذا الشي بعدما خسرو اليوم الثلاثاء مع موريتانيا فالجولة الثالثة لكوب دافريك 2023، اللي منظمها الكوت ديفوار.
وسالا الماتش بين الجزائر وموريتانيا بنتيجة واحد لزيرو لمصلحة الموريتانيين، فماتش كان مشوق زكلو فيه المنتخبين بجوج بزاف ديال الأهداف، وما قدروش فيه الجزائريين يماركيو حتى التعادل على الاقل.
هذه النتيجة خلات الجزائر يتقصاو للمرة الثانية على التوالي من الدور الاول لكوب دافريك، بعدما تقصاو من نفس الدور فنسخة 2021، واحتل منتخب الجزائر المركز الأخير برصيد 2 نقاط، اما المنتخب الموريتاني بهاد الرباح حقق اول انتصار له فالتاريخ ديالو فكاس أفريقيا واتأهل للويتيام كأحسن ثالثة برصيد 3 بوان، ورا كل من أنگولا اللي تصدرو الكروب 4 برصيد 7 النقاط، ومنتخب بوركينافاسو مول المركز الثاني برصيد 4 بوان.