كود سبور//
دخلت المدربة الهولندية سارينا فيكمان مدربة المنتخب الانجليزي للسيدات، التاريخ بعدما قادت الاخير إلى فينال مونديال العيالات 2023، بأستراليا ونيوزيلاندا، وربحت فالدومي فينال أستراليا المستضيفة بنتيجة 2 لواحد البارح الاربعاء.
وصبحت الهولندية سارينا فيكمان هي أول مدربة كرة قدم نسوية، كتأهل لفينال كاس العالم للسيدات مع منتخب بلد مختلف عليها فالجنسية، وراه قصات فطريقها للفينال عدد من المدربين الرجال اللي شاركو فمونديال العيالات وغتلعب دابا ضد المنتخب الاسباني.
والاكثر من هذا الشي، فالمدربة سارينا فيكمان سبق لها وصلت للفينال ديال كوب ديموند ملي تأهلت له مع منتخب بلادها هولندا فمونديال 2019 بفرنسا،وكانت خسرت مع المريكان، وسبق لها ربحت كاس اوروبا مع الهولنديات عام 2017.