علق الدولي المغربي السابق ميري كريمو، على المواجهة التي ستجمع فريق نهضة بركان بضيفه الزمالك المصري، يوم الأحد المقبل (12 ماي)، على أرضية الملعب البلدي، برسم ذهاب نصف نهائي كأس الكونفدرالية الإفريقية لكرة القدم.
وأكد كريمو في تصريح لموقع “ميد راديو”، أن المواجهة ستكون صعبة، محذرا في الوقت ذاته الفريق البرتقالي، قائلا “المقابلة غتكون صعيبة، وفريق الزمالك فريق عنيد وعندو لاعبين في المستوى وفريق كيعرف يلعب خارج البلد ديالو، فحذاري من الخصم”.
وأضاف “الزمالك حنا كنعرفوه عندو تجربة ديال المقابلات، وبركان لاعبة في الملعب ديالها وأمام جمهورها، نتمناو يكونو في نهارهم”.
وتابع “فالمقابلة خاص يكون احترام الخصم، والدراري يكونو فالمستوى الكبير حيت لاعب أمام فريق اللي كيستغل الفرص وأي خطأ يقدر يسجل عليك يعني خاص نقللو من الأخطاء، حيت الزمالك كيعرفو يماركيو وكيعرفو يلعبو بحال المنتخب”.
وعن مواجهة الإياب التي ستجرى في القاهرة، قال كريمو “المقابلة ديال الإياب عندهم غتكون صعيبة هاد الشي علاش خاص نهضة بركان يساليو المقابلة هنا بنتيجة مزيانة ويمشيو مرتاحين عندهم، حيت الفرق المصرية كيبغيو ينتصرو علينا”.
وأوضح أن “حتى أحداث نصف النهائي أمام اتحاد العاصمة الجزائري، غادي تعطي للفريق البرتقالي حافز باش يقدم مستوى كبير فهاد المقابلة ونهار الأحد خاصنا نكونو في نهارنا وحنا دابا كلنا بركانيون حيت نهضة بركان كيمثل المغرب، وخاصهم يفرحونا”.
