كود سبور//
رجع الدولي المغربي نصير مزراوي لاعب مانشستر يونايتد النگليزي للتداريب، بعدما غاب الأيام اللي فاتت بسبب مشاكل فالقلب.
وشارك المدافع المغربي نصير مزراوي، اليوم الخميس فالتداريب الجماعية ديال مانشيستر يونايتد النگليزي، استعدادا لمواجهة فريق برنتفورد السبت الجاي برسم منافسات بطولة النگليز، ومانشستر يونايتد قالو إنه رجع للتداريب بعدما غاب بسبب “المرض” بدون ما يوضوحو اكثر.
وكان نصير مزواري خرج فالشوط الأول من ماتش مانشستر يونايتد ضد استون فيلا ضمن منافسات بطولة النگليز قبل التوقف الدولي، وغاب وراها على المنتخب المغربي فالجوج ماتشات ضد أفريقيا الوسطى برسم إقصائيات كأس إفريقيا، وحسب التسريبات فاللاعب دار عملية بسيطة لتصحيح نبض القلب، فالوقت اللي كشف فيه الناخب الوطني وليد الركراكي أنه هضر معه وما عندوش شي حاجة خطيرة.
