كود -كازا///
اش واقع عاود تاني لمحمد بودريقة، رئيس الرجاء البيضاوي وعضو المكتب السياسي للتجمع الوطني للأحرار. واش بصاح تشد؟
بودريقة قال فتضريح ل”كود” من خدمتو هاد الصباح، تصريح واضح باين وهو كيوجد الراجا للموسم الكروي. قال ل”كود” “خليونا نخدمو ايلى بغيتو”.
بدات المشاكل مو ماتش الراجا ونهضة بركان. استامعات ليه فسابقة ما عمرها كانت فتاريخ الكورة. رؤساء باعو ماتشات فتاريخ بطولتنا. رؤساء قتلو مشجعين ديالهم مشجع من الخصم. وما عمر شي رئيس استلموه ليه.
اللي سالمه ليه هي الفرقة الولائية فالرباط بتعليمات من النيابة العامة فالرباط بعد شكاية دارها والي الرباط محمد اليعقوبي .
قاليك راه شي حد فالجمهور جيد اسمو. وقعات المواجهة بين 3 اعضاء فالمكتب مع هاد الجمهور وما قالو والو.
هاد الصباح خرج خبار اللي تعتاقل. خرجات شي قضية كتهم شكاية شي مغربي مقيم بالخارج عندها علاقة بشقة. قال باللي تعرض للنصب.
كاين امر باحضارو لتقديمو أمام المحكمة الابتدائية بالدار البيضاء.
كلشي عبثي وغريب. يخرج نهار الرجا شادة الطريق باش تلعب ضد نادي سعودي. مشات لقطر توجد لاول ماتش ليها فكأس العرب