كود سبور//
لاعبين سبورتينك الدار البيضاء للسيدات على مبلغ مالي مهم، غياخدوه فحالة ربحو لقب دوري أبطال إفريقيا للسيدات فالفينال اللي غيلعبوه غدا الاحد ضد ماميلودي صن داونز الجنوب افريقي فالكوت ديفوار.
ولاعبين سبورتينك الدار البيضاء على مبلغ 400 ألف دولار، وهي قيمة الجائزة المالية اللي خصصها الاتحاد الافريقي لكرة القدم للفريق اللي غيربح لقب دوري أبطال افريقيا للسيدات، وضمنو بالتأهل ديالهم الفينال مبلغ 250 ألف دولار.
ومن جهة اخرى غياخدو الجيش الملكي للسيدات المتوجات بلقب النسخة الماضية، مبلغ 200 ألف دولار كمنحة لهم، وهي الجائزة المالية اللي مخصصها الكاف للفريقين اللي وصلو للدومي فينال ديال دوري أبطال أفريقيا سيدات، مع العلم ان ليفار تقصاو مع صن داونز بواحد لزيرو.