كود سبور//
الممثلة الإسبانية التونسية هبة عبوك اللي واقفة على الطلاق مع الدولي المغربي أشرف حكيمي، كتفكر في رفع دعوى قضائية عليه حيث عرض عليها مبلغ مالي باش يحلو مشكل الممتلكات الزوجية ولكن هي ما عاجبهاش الاقتراح ديالو وكتطلب كثر.
وحسب موقع “lavanguardia” الإسباني، فأشرف حكيمي ما باغيش يكون سخي بالممتلكات، وما باغيش يتنازل عن أكثر من 2 او 3 مليون أورو على أبعد تقدير، وهي ما باغياش أقل من 10 مليون أورو، والمفاوضات ما بين المحاميين ديالهم وصلت إلى طريق مسدود.
وحسب نفس الموقع، أشرف حكيمي فعلا كتب الأملاك ديالو لمو (واخا هاد المعلومة كذبوها تقريبا گاع المواقع المعقولة)، وهبة عبوك كتشوف بلي نصيبها في الممتلكات الزوجية مع أشرف حكيمي كيتقدر ما بين 8 و 10 مليون أورور، وما باغياش تخدع، وداكشي علاش كتفكر باش ترفع عليه دعوى قضائية بالاحتيال.
https://www.lavanguardia.com/gente/20230418/8905356/hiba-abouk-achraf-hakimi-divorcio-fortuna.amp.html