2 لاعبين مهمين غايبين على أسود الفوتسال ضد بنما وواحد منهم سلات المشاركة ديالو فالمونديال

كود سبور- طشقند//

غايتحرم المنتخب الوطني المغربي لكرة القدم داخل القاعة، من خدمات لاعبين مهمين فالماتش ضد منتخب بنما الخميس الجاي، برسم الجولة الثانية من دور مجموعات كاس العالم للفوتسال المقامة فأوزباكيستان، وواحد منهم ما غايقدرش يكمل المونديال بسبب الإصابة والثاني غايقدر يكون فماتش الجولة الثالثة ضد البرتغال.

وكشف طبيب المنتخب الوطني المغربي، المهدي الأمراني أن الإدريسي عثمان اللي توعت فماتش تاجيكستان وما قدرش يكمل المباراة وهذه الإصابة غاتخليه يغيب على الملاعب لمدة 5 حتى 6 أسابيع، وبالتالي أصبح خارج المنافسة.

أما الحالة الثانية ديال سفيان بوريط اللي كان موعت فالفخذ ديالو قبل أسبوعين، وضح طبيب المنتخب المغربي أنه دابا فالمراحل الأخيرة من البروتوكول العلاجي، ما غايكونش معنا فالماتش الجاي ضد بنما ولكن غايكون فالماتش ضد البرتغالي

إقرأ الخبر من مصدره