كود سبور//
تعادلو الرجاء الرياضي مع الجيش الملكي، اليوم الثلاثاء فتيران العربي الزاولي بالدار البيضاء، برسم الدورة 7 من البطولة الاحترافية لكرة القدم.
وسالا ماتش الكلاسيكو بين الرجاء الرياضي بالتعادل السلبي زيرو لزيرو، وبقات النتيجة كما هي الماتش كامل واخا محاولات الفريقين لتسجيل الاهداف، وخصوصا الرجا اللي ضغطو باش يماركيو ولكن ما قدروش، مع العلم ان الرجا ضيعو ضربة جزاء فاللحظات الاخيرة.
التعدل بين الرجاء الرياضي والجيش الملكي، كايبقى نتيجة سلبية بالنسبة للفريقين وخصوصا الرجا اللي لاعبين فتيرانهم، وكل فريق منهم بجوج خدا نقطة من هذا الماتش، وولات عند الرجا 10 النقاط وطلعو مؤقتا للمركز السادس، وليفار ولات عندهم 12 نقطة وطلعو للمركز الثاني مؤقتا.
