بعدما روجو لتوقيع اتفاقية ديال التوأمة بين أكادير ومدينة “نيشر” الإسرائيلية، رئيس المجلس الجماعي لمدينة أكادير عزيز أخنوش، كلاشا مستشاري المعارضة و نفى هاد الإشاعة، وقال هادي راها كدوب و ما غاديش نخليوها دوز .
وانتقد نشر المعارضة لهاد الإشاعة، واعتبر الأمر محض إشاعات خاص المعارضة طلّع النيفو، وما تروجش ليها باش تأثر فالرأي العام.
أخنوش سماتشا المعارضة، اللي دارو نقطة نظام على هاد الأمر ودعاهم باش يتحراو مستقبلا صحة المعلومات، قبل ما يجيو يتاهمو المجلس بأمور ما عندها لا ساس لا راس.
وخاطب أخنوش أحد نواب المعارضة وقاليه: “الاتفاقية كاينة فالدماغ ديالك ما كاينة تاشي اتفاقية توقعات”.
للتذكير فهاد النقطة ديال التوأمة ماسبقش وكانت مبرمجة فجدول الأعمال أي دورة من دورات المجلس الجماعي لمدينة أكادير.
