وكالات//
اعتاذرات الممثلة المريكانية المشهورة آن هاثاوي لواحد الصحافية بعدما دارت معاها واحدة من أخيب الحوارات الصحفية لي دارتها في المسيرة ديالها كلها.
هادشي كان عام 2012، فين دارت آن واحد الحوار مع صحافية مشهورة، ولكن كانت قاسحة معاها بزاف، وبانت خايبة من طريقة الأجوبة المتعجرفة ديالها.
فمثلا، ملي سولاتها على فيلم “البؤساء” لي كانت دارتو ديك الساعة، جاوباتها غير بـ”لا”، وهو شي لي خلا بزاف ديال الناس يعلقو عليها بطريقة سلبية ويسبوها.
ولكن الصحافية لي دارت الحوار، صدمات لي فان ديالها، ملي خرجات ففيديو وقالت إن الممثلة الميريكانية صيفطات ليها مايل طويل، وعتاذرات ليها على داكشي، وقالت ليها إنها مستعدة تعوض ليها بحوار طويل آخر.
