وكالات//
فجّر غاريت جي، اللي عندو 35 عام ومعروف فمجال السفر وكيشرف على صفحة “The Bucket List Family”، موجة ديال الغضب وانتقادات بزاف، بعدما نزل فيديو فـ إنستغرام كيبان فيه وهو كيرمي ولدو الصغير من فوق منحدر صخري لواحد البحيرة، خلال عطلة مع العائلة.
الفيديو تصور فكَاع العطلة ديالهم فـ بحيرة “باول” اللي كاينة بين ولايتي يوتا وأريزونا، وهاد الشي حسب ما قالت جريدة “ميرور”.
https://www.instagram.com/reel/DMBchDYhyxE/?utm_source=ig_embed&ig_rid=2bd07ec0-6dec-4c05-af9f-9fbceb285e51
غاريت جي كان ولى مشهور من بعد ما باع واحد التطبيق ديال الهاتف اسميتو “Scan” لشركة سناب شات فـ 2015 مقابل 54 مليون دولار، ومن تما قرر يدور العالم مع مراتو جيسيكا وولادهم، وكيوثقو الرحلات ديالهم فـ السوشيال ميديا، وزارو أكثر من 90 بلاد.
لكن هاد الفيديو الأخير خلا الناس يتقلقو بزاف، حيت كيبان فيه وهو كيوجّد ولدو الصغير “كاليهان” (أو كالي) باش ينقز من فوق الجرف، والمقطع كيبدا بتحذير: “معظم الناس ما غاديش يعجبهم الطريقة ديالنا فتعليم ولادنا ينقزو من الجرف”. كيبان كالي متردد وحاط يديه على عينيه من الخوف، قبل ما يجي الأب ويرفعو ويرميه فالماء. ومن بعد كيقطع الفيديو وكيبانوا ولاد العائلة الآخرين، دوروثي ومانيلا، كينقزو بجوج.
هاد التصرف جرّ عليه انتقادات حادة من المتابعين، اللي اعتبروه خطير وغير مسؤول.