وكالات //
بداو عمال الإنقاذ نهار الجمعة كيبنيو منحدر باش يوصلو لشيفور ديال كاميو عندو 74 عام، اللي تقطع الاتصال معاه من بعدما ما سرطاتو حفرة كبيرة هاد السيمانة.
الحفرة توسعات وولات كتوصل لـ 40 مترو، يعني تقريبا بطول مسبح أولمبي، من نهار بانت فالمدينة صباح الثلاثاء، حسب ما قالو المسؤولين.
كيعتاقدو أن التآكل فالقوادس ديال الصرف الصحي هو السبب اللي خلا الحفرة تكبر، حسب السلطات ديال مدينة ياشيو.
السلطات تطلب من السكان تقليل استخدام الحمامات!.. حفرة تبتلع شاحنة وسائقها في #اليابان#إرم_نيوز #tokyo #sinkhole pic.twitter.com/iyApdINgKp
— Erem News – إرم نيوز (@EremNews) January 31, 2025
رئيس فرقة الإطفاء المحلية، تيتسوجي ساتو، قال للصحافيين نهار الخميس من بلاصة الحادث: “الوضع خطير بزاف”، وزاد أن العشرات من فرق الإنقاذ خدامة 24 ساعة على 24. وزاد كمل: “كنخططو باش نبنيو منحدر من بلاصة أكثر أمان باش نقدروا ندخلو المعدات الثقيلة”.
ووضح أن الما كاتسرب للحفرة، وهاد الشي كيزيد يخليها تنهار أكثر. وماقدروش رجال الإنقاذ يتواصلو مع السائق من نهار الثلاثاء، حيث التربة والأنقاض غطات الكابينة ديال الشاحنة ديالو بالكامل.
أما دايسوكي تسوتسوي، اللي هو مسؤول فمحافظة سايتاما، قال لوكالة “فرانس برس” أن القوادس المهرسين “ممكن خلاو التربة المحيطة تتسرب، وهاد الشي اللي أدى لتكون تجويف تحت الأرض”.