الممثلة الميريكانية بيلا ثورن دايرة البوز.. تحنات على ركبتها وطلبات الزواج من صاحبها (فيديو)

وكالات//

الممثلة الميريكانية بيلا ثورن دارَت البوز وأثارت الجدل بعدما هي اللي طلبات الزواج من خطيبها مارك إيمز، من بعد عام على تقدم ديالو ليها رسميا.

بيلا (27 عام) نشرت واحد الفيديو فـ إنستغرام، باينة فيه راكعة على ركبة وحدة وسط جو رومانسي عامر بالشموع والورد والبالونات الحمرا على شكل قلوب. مارك بان متفاجئ، وقرب منها باش يشوف الخاتم اللي خرجات من العلبة. من بعد تعانقو وتبادلو القبلات.

#Espectaculos | La actriz estadounidense Bella Thorne, le propuso matrimonio a su novio, Mark Emms, después de un año de relación.

La propuesta ocurrió en casa de Bella en California, la víspera del Día de la Madre,fue celebrada con una reunión familiar.

: @bellathorne pic.twitter.com/uxbiLaJzxZ

— Notitarde (@webnotitarde) August 16, 2025

بيلا كتبات فالتعليق: “تلاقينا قبل 3 سنين، ومن بعد عام هو تقدم ليا، ودابا من بعد عام آخر أنا اللي تقدمت ليه.”

بعض المتابعين فرحو بهاد الخطوة الغير تقليدية واعتابروها زوينة، ولكن آخرين انتاقدوها وتساءلو علاش تعاود تتقدم إلا هو سبق وتقدم. واحد المعلق كتب: “إلا هو تقدم ليك قبل، علاش دابا ديرتي هاد الشي؟ مفهمتش.” وآخر زاد: “يا العيالات، خليونا ما نطبّعوش بحال هاد التصرف.” كاين اللي تسخر وقال: “نفضل ينزعو ليا أظافري وما نديرش هاد الشي”، وشي واحد آخر كتب: “نفضل نبلع الزجاج.”

ورغم الانتقادات، كاين اللي دافع على تصرف بيلا واعتابرو اللحظة “لطيفة” و”تمكين للمرأة”. واحد كتب: “القوة للعيالات، كنحبك على هاد الخطوة”، وشي واحد آخر كتب: “أجمل حاجة شفتها اليوم.”

إقرأ الخبر من مصدره