وكالات//
تعرضات أم في ولاية أريزونا الميريكانية للقريص 75 مرة ملي حاولات تحمي ولادها من هجوم ديال النحل.
العائلة كانو كيتصورو حدا واد Buckeye وفجأة هجم عليهم النحل. الأم سدات على ولادها في طوموبيل وبقات في الخارج، والنحل قرصها في الجسم ديالها كامل.
وتدخلو البومبية باش يعتقو العائلة ودارو الرغوة باش يكالميو النحل لي كان جاعر، في الوقت لي مشات الأم للسبيطار وغادي تولي بيخير وعلى خير.