وكالات//
بعد ساعات طويلة من التشويق والإثارة، علن كريستيانو رونالدو، نجم الكرة العالمية، أن لي غادي يكون معاه في اللقاء المنتظر على “يوتوب” هو الشهير ميستر بيست.
وكان دار “الدون” رونالدو، لي كيلعب دابا في النصر السعودي، واحد البوسط كيقول فيه بأنه غادي يدير واحد اللقاء قريب “غادي يحطم فيه الانترنيت”.
ومن بعد دار رونالدو واحد الصورة ليه مع ميتسر بين وكتب عليها ” غادي نتلاقا مع ميستر بيت باش نحطمو الانترنيت”.
الفيديو تعرض البارح الخميس، بعد ساعات طويلة من الانتظار، وفات عدد الناس لي شافوه 5 ديال المليون مشاهدة في اقل من 3 ساعات فقط.
ومن المنتظر ان هاد اللقاء غادي يدير البوز في العالم كامل، وغادي يحقق رقم قياسي خيالي ديال مشاهدات، حينت كيجمع بين 2 من اكثر الناس متابعة في يوتوب.