ترامب بارطاجا فيديو مفبرك ديال الرئيس السابق أوباما كيبان فيه وهو شادينو البوليس ودايرين ليه المينوط (فيديو)

وكالات //

الرئيس الميريكاني دونالد ترامب بارطاجا فصفحتو على موقع “تروث سوشيال” واحد الفيديو اللي مصاوب بالذكاء الاصطناعي، كيبان فيه الرئيس السابق باراك أوباما وهو كيتعتاقل على يد عناصر من مكتب التحقيقات الفيدرالي  (FBI).

فالفيديو، أوباما لابس كومبينيزون برتقالية بحال ديال السجن، وكيبان وكأنه غادي يتسجن، وكلشي على نغمة الأغنية الشهيرة “YMCA”، اللي كتستعمل فحملة ترامب الانتخابية.

الفيديو اللي بارطاجاه ترامب على منصتو، كان جا من حساب على “تيك توك” بالاسم ديال  @neo8171.

وجا نشر هاد الفيديو فنفس الوقت مع دعوات من أنصار ترامب، اللي كيطالبو بمقاضاة المسؤولين الكبار اللي خدمو مع أوباما، من بعد ما خرجات مديرة الاستخبارات الوطنية تولسي غابارد واحد التقرير كيتّهم فيه أوباما بأنه دار “مؤامرة خيانة” فـ2016 باش يضرب حملة ترامب.

غابارد علنات على رفع السرية على شي وثائق قالت بلّي فيهم أدلة كتبيّن أن مسؤولي الاستخبارات فـعهد أوباما فبركو معلومات واستغلوها سياسياً باش يسهلو الطريق للتحقيق اللي دارو الـFBI على علاقة ترامب بروسيا.

DONALD TRUMP’S TRUTH RICHTUNGSWEISEND!

“KEINER STEHT ÜBER DEM GESETZ!”
schaut bis zum Ende!

President #Trump zeigt uns, wie es demnächst kommen wird!
Arrest Barack #Obama!!! https://t.co/1lvyxbs29i pic.twitter.com/WJtAMSx5DT

— Maik Pittel (@maikpi70) July 21, 2025

لكن الديمقراطيين هاجمو التصريحات ديال غابارد نهار الجمعة، وقالو بللي هي كتحاول تعاود تكتب التاريخ من جديد.

الفيديو اللي دار عليه الجدل، كيرجع بلقطات من الاجتماع اللي كان بين ترامب وأوباما فالمكتب البيضاوي عام 2016، ومن بعد كيبانو عملاء الـFBI  كيدخلو فجأة وكيعتاقلوا أوباما، وكيكبّلوه بالأصفاد بعد ما طيحوه فالأرض.

وفي المشهد الأخير، كيبان أوباما لابس البدلة البرتقالية ديال السجن.

إقرأ الخبر من مصدره