وكالات//
نتاشرات فيديوهات مؤثرة كتبين شي حيتان كبار فالجابون وهوما واحلين فالجليد ديال جزر في السواحل ديالها، وهو الشي لي خلا بلاد بحال روسيا تعرض المساعدة ديالها على طوكيو باش يعاونوهوم ويجبدو الحوت.
على حساب ماقالت الصحافة فروسيا، فالسلطات فالبلاد راسلات الجابونيين رسميا وقالت ليهم بأن فريق الإنقاذ المتخصص لي عندها مستعد أنه يمشي للجابون باش يفك دوك الحيتان.
وتداولو المئات من الناس على السوشل ميديا فيديوات كتبين هاد الحيتان واحلين فواحد الجرف بحري وكتكافح باش تخرج منو.
على حساب ماقالت الصحافة ف الجابون، كاينين شي 15 حوتة واحلة تما، ومن بينهم حوتات يالاه تزادو.
وكيقولو العلماء ديال روسيا أنه إلى ماعتقوش دوك الحيتان فالأيام المقبلة، غادي يموتو كاملين.