طالبان منعات البنات من القرايا فالجامعات وأفغانيين خرجو فمظاهرات كيدافعو على المرأة

كود – وكالات//

قالت “بي بي سي” فمقال، انه قبل من الامتحان بأيام فجامعات افغانستان، حكومة طالبان وقفات التعليم الجامعي لكاع الطالبات. وحطات عند بيبان الجامعات البوليس بالسلاح كيمنعو كل وحدة حاولات تدخل تدوز الامتحان .

Male students at Nangarhar university are walking away from their exam in a show of solidarity with the female students to protest the Taliban ban on girls’ education. #LetHerLearn #Afghanistan pic.twitter.com/EDgaVazmB5

— Abdulhaq Omeri (@AbdulhaqOmeri) December 21, 2022

وأضافت أن طالبان خدات القرار نهار الثلاثاء كخطوة أخيرة فحملتها الوحشية على حرية المرأة الأفغانية، وخا طالبان قالت شحال من مرة انها غتحمي حقوق البنات والعيالات ولكن ملتازماتش.

وحسب نفس المصدر أن وزير التعليم العالي فحركة طالبان، خرج فمؤتمر صحفي متلفز نهار الخميس ، باش يهدر على خلفية هاد القرار واللي قال ان سببو ان البنات مملتزمينش بقواعد “الزي الاسلامي” و”قيم اسلامية” اخرى فحال كيسافرو بلا ولي امر، وأضاف أن حتى الاختلاط بين الطلبة والطالبات حتى هو سبب حيث ممسموحش بيه “فالشريعة الإسلامية”.

وحسب بي بي سي خرجو طلبة دراري وأساتذة ونشطاء نهار الخميس باش يدافعو على المرأة وحقها ويدعموها فهاد الوضعية.

وحسب موقع نيوز السعودية وتركيا دول ذات اغلبية مسلمة تدين قرار سلطات طالبان بمنع النساء من دخول الجامعات، حيث قال وزير الخارجية التركي مولود جاويش أوغلو الخميس “أن الحظر ماإسلامي ماإنساني”، ودعا فمؤتمر صحفي دا أوغلو طالبان تتراجع إلى القرار ديالها.

إقرأ الخبر من مصدره