وكالات//
ماتو عدد من الناس نهار الخميس فواحد الحادث ديال تحطم طيّارة صغيرة فوق حي سكني فمدينة سان دييغو بولاية كاليفورنيا، فغرب ميريكان، حسب ما قالت السلطات المحلية.
دان إيدي، اللي خدام فالإطفاء ديال سان دييغو، قال: “كنظنو أن كاينين بزاف ديال القتلى”. الضحايا كانو على ما يبدو راكبين فطيّارة من نوع “سيسنا 550”.
قتلى جراء تحطم طائرة صغيرة في #كاليفورنيا#إرم_نيوز #California pic.twitter.com/YTmC02EvbN
— Erem News – إرم نيوز (@EremNews) May 22, 2025
الطيّارة طاحت فالصباح بكري، وكان الجو ضبابي، وصدّات فعدد من الديور، وهادشي سبّب فحرائق فـ حوالي 15 دار، وخلا السلطات تخلي السكان من بزاف ديال الأحياء القريبة، على حسب التصريحات ديالهم.
إيدي زاد وقال: “عندنا وقود الطيّارة منتاشر في كل بلاصة، والهدف ديالنا دابا هو نفتشو جميع الديور ونخرجو الناس منها فالحين”.
وزاد فتصريحاتو لوكالة “أسوشييتد برس”: “كاين ضرر مباشر لعدد من الديور” فحي مورفي كانيون.