طيارة هيليكوبتير طاحت فنهر الميسيسيبي فميريكان… جوج ديال الناس ماتو (فيديو)

وكالات///

قال المتحدث باسم خفر السواحل الأمريكي، “جوناثان ليندبرج”، بلّي طيارة هليكوبتر طاحت فوق بارجة فـ نهر المسيسبي، نهار الخميس، وهاد الشي تسبّب فموت جوج ديال الركاب اللي كانو فيها.

وأضاف بلي حركة النقل فالنهر توقّفات حدا مدينة “ألتون” فولاية إلينوي.

ووضح بلي البارجة اللي طاحت فوقها الهليكوبتر شعلات فيها العافية، ولكن ماكانش فيها حتى واحد، والبومبية قدرو يطفيو الحريق.

مقتل شخصين في تحطم طائرة هليكوبتر في نهر #ميسيسيبي

التفاصيل: https://t.co/EckSYn7Eqm #إرم_نيوز #Mississippi pic.twitter.com/sBnv9O2PR9

— Erem News – إرم نيوز (@EremNews) August 7, 2025

وصرح بلي السلطات سدات النهر بين الميل 199 و201، وبداو المسؤولين كيحققو فالأسباب ديال الحادث، وكيشيّكو واش كاين شي حطام فالنهر ولا لا.

وقال ليندبرج بلي مازال ما معروفش وقتاش غادي ترجع الحركة العادية فالنهر.

من جهتها، وسائل إعلام أمريكية قالت أنه، تبلغ على لسان جنود دورية الطرق، بلي الهليكوبتر كانت كتهز عمال خدامين على خطوط الكهرباء، وبالضبط حدا الكرات البرتقالية اللي كيديروهم كعلامات تحذيرية للطيران.

إقرأ الخبر من مصدره