وكالات //
تداولو بزاف ديال الناس على السوشيال ميديا، واحد الفيديو كيبين طيارة وهي كتحرك بوحدها ف المطار د بيونس إيريس بالأرجنتين، بسباب الرياح القوية.
كانت الطيارة لي هي من طراز 737-700 – التابعة لشركة الطيران الأرجنتينية “Aerolineas Argentinas” واقفة ماعليها مابيها ف المطار شوية بدات كتحرك كلها بحال ايلا مديماريا بسباب الريح القوية.
وكيبان ف لفيديو أيضا كيفاش تحركو الدروج ديال الطيارات بسرعة كبيرة وضربو ف كاميو آخر لنفس السبب.
وكانت الأرجنتين قررات إلغاء بزاف د الرحلات وحولات الوجهة ديال طيارات خرا لمدن وحدة خرا بسبب العاصفة القوية لي كتضرب البلاد.