وكالات//
واحد الواقعة مضحكة دارت البوز في تركيا كلها وتناقلتها الصحافة العالمية، كان البطل ديالها واحد المواطن تركي، دخل في النعاس العميق ومفيقوه غير البوليس والبومبية والإسعاف.
لي طرا هو أن هاد السيد كان ساكن بوحدو فواحد الحي في إسطمبول، والجيران شمو الريحة ديال الكاز مجهدة وكان كيصاحب ليهم أنها جايا من الدار ديالو.
Aksaray’da haber alınamayan bir vatandaş için seferber olan ekipler, daireye girecekken kapıyı açan vatandaşın “Yatmak da mı sorun?” diyerek kendilerini azarlamasıyla karşılaştı. pic.twitter.com/fIT4dHzR88
— İhlas Haber Ajansı (@ihacomtr) December 2, 2024
عياو مايدقو حتا كانو غا يفرعو الباب، ومحلش ليهم، قالو صافي هاد راه مات بسبب الكاز، وعيطو للبوليس والبومبية والإسعاف باش يفرعو الباب.
الغريب في الأمر، أن البوليس مللي جاو باش يفرعو الباب لقاوه غير كان ناعس، ونعاسو ثقيل بزاف، وكيبان كيفاش السيد مصدوم من البوليس لي لقا حدا الباب ديال دارو.