وكالات//
وجهات النجمة الكولومبية شاكيرا ميساجات جديدة لجيرارد بيكيه ملي خدات جائزة سيدة العام في حفل جوائز “بيلبورد” لي كيدار في ميامي فين ولات عايشة هي وولادها.
في الكلمة ديالها، قالت الفنانة الشهيرة: “ماشي مهم الواحد يكون مخلص أو لا، لكن أهم حاجة هي نكونو مخلصين مع راسنا”. من بعد هاد الجملة الناس بداو كيصفقو عليها.
وزادت “في حياة كل مراة كين واحد الوقت لي كتكون فيه معتامدة على شي واحد، لكن خاص كل وحدة فينا تتعلم تبغي راسها وتتقبل ذاتها كيفما هي”.
وأكدات أن هاد العام لي وقع فيه الفراق تعلمات أن العيالات قويات وشجاعات بزاف، ومستقلات كثر ما كانت كتوقع قبل.
The first-ever #BBMujeresLatinas Woman of the Year, @shakira ????
Watch more on @Telemundo at https://t.co/4fHRzBxC2w pic.twitter.com/3Ug3p5zPi1
— billboard (@billboard) May 8, 2023