كود -وكالات//
وقعات فجنوب إسبانيا ليلة الأحد كسيدة خايبة مللي تصاطحو جوج ديال الترانات اللي كانو هازين مئات الركاب، هاد الكسيدة خلات على الأقل 21 قتيل وكثر من 25 واحد مبليسي، حسب لي علنات عليه مصالح ليرجونس فجهة الأندلس.
الحادثة وقعات حدا منطقة أداموز، ملي خرج تران لي كان غادي من مالقة فطريق مدريد على السكة ديالو، وتصاطح بتران آخر كان دايز فمسار حداه، الكسيدة خلّات جوج ترانات اخرين يخرجو على السكة، الشي اللي خلق روينة عند الإسعاف والبومبية.
#ÚLTIMAHORA | Estoy viendo las noticias del choque de trenes: diez muertos van ya y casi un centenar de heridos (veinticinco graves). Me parece increíble que en un país del primer mundo y en pleno siglo XXI puedan colisionar dos convoys de alta velocidad. Transporte público lo… pic.twitter.com/Qo4B6sD4Xn
— Álex N. Lachhein (@Kirghisz) January 18, 2026
وحسب وسائل الإعلام الإسبانية، اكثر من 300 واحد كانو في تران إيريو، أما التران الآخر ديال شركة Renfe الوطنية كان فيه كثر من 100 شخص، المسؤولين الإسبان عبّرو على القلق ديالهم، وعلى راسهم رئيس الحكومة بيدرو سانشيز ورئيس جهة الأندلس، وأكدو بلّي الدولة متبعة الوضع.