ملثمين دخلو لواحد البار ف سوريا وخربوه وتعداو على الناس لي خدامين فيه (فيديو)

وكالات//

قالت مصادر من سوريا بلي مع الفجر ديال نهار الخميس، شي مجموعة ديال الملثمين هجمو على بار فمدينة طرطوس وخربوه وضربو الناس اللي خدامين فيه.

المصادر قالت إن 3 ديال الملثمين دخلو لبار اسميتو “زاروب بوب”، اللي كاين فزنقة “الثورة” فطرطوس، فالساحل السوري.

للمرة الثانية.. ملثمون يقتحمون باراً في #طرطوس ويكسرون مقتنياته ويعتدون بالضرب على أحد العاملين

التفاصيل: https://t.co/yoPr24UdHz#إرم_نيوز #سوريا pic.twitter.com/2k7WU1Hkq6

— Erem News – إرم نيوز (@EremNews) September 17, 2025

ووفقاً لشهود عيان وناشطين سوريين، المهاجمين بدّاو كيهرسو الحوايج اللي فالبلاصة، وتعداو بالضرب على واحد من العمال اللي خدامين تما.

وشهود عيان قالو إن الملثمين هددو العامل اللي ضربوه وقالو ليه: “أنتو ما تعلمتوش من المرة اللولة”.

ومصادر سورية كتقول إن المسؤولين على هاد الهجوم على بار “زاروب” فطرطوس، ممكن يكونو ناس تابعين لجهاز الأمن العام، على حسب كلامهم.

إقرأ الخبر من مصدره