كود ـ وكالات
دار واحد الفيديو الشنعة فمريكان ، من بعدما نشر الرئيس الأميركي دونالد ترامب فيديو فـمنصتو “تروث سوشال”، فيديو فيه الرئيس الأسبق باراك أوباما ومراتو ميشيل مصوّرين على شكل قرودة، هاد الفيديو اعتبروه بزاف ديال المتابعين عنصري وحشومة.
https://www.instagram.com/reel/DUa-aA_glpK/?igsh=MWh1bGkydjdjYXMzag==
الفيديو كيروج الهضرة ديال تزوير انتخابات 2020، اللي خسر فيها ترامب قدّام جو بايدن، وعاود فيها نفس الخطاب اللي كان كيرددو من قبل، وخا نفي المؤسسات الرسمية لهاد الادعاءات.
شخصيات سياسية ديمقراطية خرجات كتندد بهاد التصرف، من بينها مكتب حاكم ولاية كاليفورنيا غافين نيوسوم ، حتى بن رودس، المستشار السابق ديال أوباما، اعتبر أن هاد النوع من المحتوى كيعكس خطاب الكراهية والعنصرية.
من بداية الولاية الثانية ديالو، قوا ترامب استعمال الصور والفيديوهات المخظومة فوسائل التواصل الاجتماعي، سوا باش يشكر راسو أو يهجم على خصومو السياسيين. وسبق ليه العام الماضي نشر فيديو كيبان فيه أوباما معتاقل فالمكتب البيضاوي، وهو لابس لباس الحباسة.