كود طنجة//
علمت گود من مصادر مطلعة أن السلطات الأمنية بالناظور اعتقلت الثلاثاء الماضي ابن برلماني طنجة، الاستقلالي محمد الحمامي، بتهمة محاولة تهريب 250 كلغ من الحشيش.
وكان ابن البرلماني المذكور قد تعرض قبل عدة أشهر لاعتداء عنيف بطريق تطوان من قبل عصابة مسلحة، قبل أن تتم التغطية على الحادث كي لا يتم النبش في خلفيات الاعتداء وتصفية الحسابات المرتبطة به.
ويوجد البرلماني الحمامي في وضعية جد حرجة نتيجة تزامن هذه الفضيحة مع تكاثر الفضائح العقارية التي فجرتها في وجهه المواقع الصحفية بطنجة خلال الأشهر الماضية بصفته رئيسا لمقاطعة بني مكادة.
دابا الوالي التازي هو أيضا في حرج شديد، لأنه كان يتجاهل فضائح الحمامي، وكانت دعوى قضائية بدا الوالي امهيدية المسطرة ديالها، لكن الوالي التازي جمّد داك المسطرة لأسباب مجهولة، يمكن حيت البرلماني الحمامي ينتمي حاليا لحزب الاستقلال.
وكان نفس البرلماني قد صرح سنة 2019 في إحدى دورات مجلس جماعة طنجة أنه يعتزم تزويج ابنته لتاجر مخدرات، وذكر أيضا في الفيديو الذي حصلت عليه گود أنه تناسب مع البزناسة.
هاد الحمامي هو بطل الخروقات ديال التعمير وفق وثائق نشرتها “گود” سابقا، ودبا سؤال كبير كيتوضع على أمين عام حزب الاستقلال، نزار بركة، واش غادي يطبق مساج الأخلاقيات فوسط حزبو ويجمد عضوية الحمامي ولا ريع المقاعد البرلمانية غايمنعو يتخذ هاد القرار. بحال لحمامي مخصوش يكون ممثل فالبرلمان وفالجماعات.
يشار بلي كاين فيديو مشهور ديال لحمامي كيقول فيه بلي تشاور مع الوالي اليعقوبي (لي كان فطنجة) بخصوص زواج بنتو، شفتو شكون كيتبلحس للولاة.
