وكالات//
انتشر واحد الفيديو بزاف فبلاد الهند على منصة “إكس”، ودار بزاف ديال الهضرة والتكهنات، حيث كيبان فيه واحد الروبو شبه إنسان، وكاين اللي كيرجّح أنه كيعاون فالدوريات فالحدود بين الهند والصين.
الفيديو اللي مدّتو 34 ثانية كيبدا بتقريب الكاميرا على واحد الجسم ثابت اللي كيشبه لروبو واقف، ومن بعد كيحرك المصوّر الكاميرا فداك الأرض الخاوية اللي دايرة بيه، وهذا كيوضّح باللي هاد الهيكل ممكن يكون تابع للمنشآت الأمنية ديال الصين فالحدود.
وهاد المقطع اللي كيتقال باللي تصور فمناطق عالية الارتفاع على يد جنود هنود، كيدّعو فيه أن الصين نشرت الروبو باش يدير دوريات فهاد المنطقة.
India just filmed this: Chinese humanoid killer robots now patrolling the border. The age of flesh-vs-metal war begins.
Who still wants to send sons to the frontline in 2030? https://t.co/zM3Gy7mYJ9 pic.twitter.com/UAB5L4N6gp
— PLA_Overwhelm (@junshiguancha) December 2, 2025
ورصد هاد “الروبو الجاسوس” الصيني وهو واقف بلا ما يتحرك فخط السيطرة الفعلي خلا بزاف ديال الناس يخافو من احتمال أن الصين ولات كتستعمل روبوطات باش تراقب الحدود.
بالرغم من الانتشار الكبير ديال الفيديو، ما خرج حتى تصريح رسمي من الجهات العسكرية من الجهتين باش يأكدو ولا ينفو هاد الادعاءات.
والآراء تفرقات فالتعاليق فالمنصات، حيث بعض الهنود شافو باللي داك الجسم فعلاً كيشبه لروبو.