كريشنا ديال الكورة : ميسي بلبلها فالهند وخلاها مرونة (تصاور)

كود سبور //

تحوّلات زيارة ليونيل ميسي لمدينة كولكاتا فالهند من واحد الحدث رياضي  مهم بزاف، لفوضى كبيرة وسط  ملعب “سولت ليك”،  خرج ميسي من التيران مورا  20 دقيقة، وسط السعرة ديال الجماهير اللي بدّات كترمي فالقراعي والكراسي، وكتحتج على التنظيم الخايب.

ميسي وصل لكولكاتا مع الفجر ديال نهار السبت، وكان معاه صحابو فـ إنتر ميامي لويس سواريز ورودريغو دي بول، دايرين جولة اسمها   “G.O.A.T Tour of India 2025”. وكان متبرمج يبقى تقريباً جوج سوايع فالملعب، يدور  فالتيران ويتفاعل مع الجمهور، ويقابل شي شخصيات معروفة، ولكن هاد البرنامج كامل ما تدار منّو حتى حاجة.
حسب الشهود ، منين دخل ميسي للتيران كان دايرين بيه بزاف ديال المسؤولين والسياسيين، وهاد الشي خلا الجمهور ما يقدّرش يشوفو مزيان، ومع  الوقت لي داز  بلا تفاعل ولا شي لقطة كروية، الجمهور كعا وهو يطلع فوق المدرجات، ومن بعد ولات الفوضى و القراعي والكراسا غا مشيرين.

من بعد هاد الشي كامل، خرجات رئيسة وزراء ولاية البنغال الغربية ماماتا بانيرجي وعتاذرات لميسي وللجماهير، وقالت باللي اللي وقع سببو سوء التنظيم، وعلنات على فتح تحقيق باش يعرفو فين كان المشكل .

إقرأ الخبر من مصدره