حصلة ديال الكلاب.. شفار هندي وحل وسط فرفارة د الريح وهو باغي يدخل لدار (فيديو)

وكالات//

وقعت فمدينة كوتا فولاية راجستان فالهند حادثة غريبة، من بعد ما تعلّق واحد الشفار داخل فتحة ديال فرفارة ديال المطبخ، وهو كيحاول يدخل لدار شي واحد بالقوة.

وتوثّق هاد الحادث فواحد الفيديو اللي تفرّق بسرعة فمواقع التواصل الاجتماعي، وكيبيّن الراجل وهو معلق وما قادرش يخرج، فحين شريكو المفترض هرب وجرا بحالو.

चोरी का प्लान फेल!
एग्जॉस्ट फैन में फंसा चोर

कोटा में चोरी की कोशिश कर रहा युवक एग्जॉस्ट फैन के छेद में फंस गया. मकान मालिक के शोर मचाने पर पुलिस ने आरोपी को गिरफ्तार किया, जो पुलिस स्टिकर लगी कार से आया था#Kota #rajasthan #viralvideo pic.twitter.com/GFfrc3qQFw

— NDTV India (@ndtvindia) January 6, 2026

وحسب البوليس المحلي، فالدار كانت خاوية حيث مولها مسافر ومرتو كانت خارجة، وملي رجعات الزوجة قرابة الواحد دالصباح، تصدمات ملي شافت الراجل واحل، وعيطات طالبة الناس يعتقوها.

الجيران تجاوبو بسرعة وعيّطو للبوليس، اللي جا فدقائق. وتعاونو مع السكان لأكثر من ساعة باش يخرّجو المشتبه فيه من داك الفتحة الضيقة، ومن بعد خداوه للحراسة النظرية.

إقرأ الخبر من مصدره