گود سبور//
دافع الإسباني لويس إنريكي مدرب باريس سان جرمان الفرنسي على النجم المغربي باراهيم دياز لاعب ريال مدريد الإسباني، بعد الهجمة اللي تعرض ليها حيث ضيع بينالتي فالفينال ديال كأس إفريقيا ضد السنغال البارح الاحد فتيران مولاي عبد الله.
وخلال الندوة الصحافية اللي كاتسبق ماتش باريس سان جرمان وسبورتينگ لشبونة البرتغالي ضمن منافسات دوري أبطال أوروبا، هضر لويس إنريكي، وقال: “كلشي كايهضر على ابراهيم، ولكن زيدان دار نفس الشي ففينال كأس العالم وراموس حتى هو، كون ماركاها حتى حد ما غادي يهضر وكلشي غايصفق، وملي ضيعها كلشي كايلوم فيه”.
وكمل لويس انريكي، وقال: “دياز لاعب واعر وكانعرفو مزيان، وفايت ليا عيطت له لمنتخب الصبليون، والمهم فالرياضة هو شنو المبادئ اللي كاتوريهم للناس، وهو ماشي قاتل ولا شي واحد خيب، هو لاعب شاب وهادي هي الكورة”.