كود سبور//
غادي يكون جمهور شباب المحمدية بإمكانو حضور ماتش الفريق ديالو ضد شباب السوالم فتيران البشير بالمحمدية يوم غد الأحد، ضمن الجولة 11 من منافسات البطولة الاحترافية لكرة القدم، غير بدرهم واحد.
وقرر شباب المحمدية، بقيادة هشام أيت منا رئيس شركة النادي، يوضع تذاكر ماتش فرقتو ضد السوالم أمام جمهور المحمدية مقبل درهم رمزي، باش يشجعهم على الحضور من أجل دعم اللاعبين والرفع من معنوياتهم لمواصلة تحقيق النتائج الإيجابية.
وكيجي هذا القرار من بعد الانتصار المفاجئ ديال شباب المحمدية على فريق الوداد الرياضي بطل المغرب وإفريقيا فالجولة الأخيرة الخميس الماضي فستاد دونور، واللي كيبقى من مفاجأة البطولة الاحترافية الشي اللي كيأكد أن قرار إدارة المحمدية بتخصيص درهم رمزي لماتش السوالم دارتو حيث باقية منتشية بهذا الفوز.
Laisser un commentaire