وكالات//
رئيسة أكاديمية فنون وعلوم السينما في هوليوود جبدات فتجمع للمرشحين لجوائز أوسكار هاد العام موضوع التصرفيقة لي عطا ويل سميل لكريس روك العام لي فات.
جانيت يانغ رئيسة الأكاديمية قالت إن رد فعل الأكاديمية مكانش مقنع وكافي، حيت عاودو من بعد التصرفيقة عيطو على ويل سميث وخدا جائزة أفضل ممثل.
وأكدات ’’داكشي لي وقع فوق المسرح ماشي مقبول بمرة… والمنظمة كان الرد ديالها بارد. تعلمنا من داكشي للي وقع أن الأكاديمية يجب أن تتحلى بالشفافية الكاملة وتخضع للمساءلة بشأن أفعالنا، خاصة في أوقات الأزمات‘‘.
وكان ويل سميث قدم الاستقالة ديالو من أكاديمية علوم وفنون السينما، ومنعاتو الأكاديمية يحضر حفلات توزيع الجوائز لعشر سنوات، لكن مازال مؤهل للترشح والفوز بجوائز الأوسكار لي كتعطيها الأكاديمية.
Laisser un commentaire