وكالات//
لغات الشركة المنظمة لحفل الفنان الكوميدي الميريكاني، كيفن هارت، في مصر موعد العرض لي كان مقرر يكون في الصالة المغطاة باستاد القاهرة الدولي، وهو القرار لي تخاذ مباشرة من بعد الانتقادات الكبيرة لي ناضت عليه بسباب تعليقات قديمة ديالو لي كتدعم الحركة الأفروسنتريك (النزعة المركزية الإفريقية).
الشركة المصرية لي مسؤولة على إدارة الفعاليات ديال الجولة قالت في بوسط على فيسبوك أن الحفل تلغا بسباب مشاكل لوجستية محلية، واخا كلشي عايق بالسبب الأصلي.
كيفن هارت كان مقرر يقدم العرض ديالو في العاصمة المصرية القاهرة، نهار الثلاثاء، ودابا الشركة خاص تبدا ترجع للناس فلوسهم.
Laisser un commentaire