كود الدوحة ///
علمت “كود” أن الجامعة الملكية المغربية لكرة القدم شرات 17 ألف تذكرة لماتش الدومي فينال لكأس العالم قطر 2022،، لي غادي يجمع نهار لاربعا المنتخب المغربي والمنتخب الفرنسي بملعب البيت بالدوحة.
وحسب مصادر “كود” فهاد الشي كولو شراتو الجامعة بفلوسها وغادي توزعها على لمغاربة اللي كاينين فالدوحة فملعب الجنوب وشي غادية توزعو سفارة للمغرب بالدوحة، وشي اخر غادي يتوزع بمطار الدوحة، حيث جاية 30 طيارة.