Étiquette : الجنس

محمد سقراط-كود///

واحد الجملة كتردد بزاف عند بعض المغاربة كيفسرو بيها عجزهم على إيجاد شريك زوج أو زوجة بالقول ” مابقاوش باغيين المعقول”، فاش كتسول الراجل على شناهو هاد المعقول لي كيقدم باش كيحس بلي عندو عرض مزيان ولكن ماواخدش حقو ومابقاش مطلوب في السوق بسباب الإنحطاط وسوء الأخلاق وحب الملذات والإنصياع للشهوات، المعقول لي كيقدم هو أولا خطبة رسمية يجيب واليديه ويجي للدار ديريكت يتشاور مع بات البنت ومها وخوتها وجداها وجيرانهم حول مصيرها وهي آخر وحدة كتقرر شنو تدير في حياتها، وهادشي كيعتابرو ميزة ورجولة وصدق وامانة نادرين لأنه جا من الباب ماشي من الشرجم، بالإظافة إلى السكنى والماكلة والشراب والجنس لي ممضمونش واش غادي يكون توافق بيناتهم أو لا لأنه ناوي المعقول فغادي يديروه من بعد الزواج يعني حتى يكون فات الفوت عوض بحال الناس الطبيعيين يمارسو الجنس بيناتهم ويشوفوا واش عاجبين بعضياتهم عاد يقرروا يكملوا بجوج وللأسف هاد الطريقة المزيانة باش تبدى علاقة هي لي غير مقبولة عند صحاب المعقول وكيفضلو يبداو العلاقة رمانة مغمضة.

طبعا المتعة غير واردة في الباك ديال المعقول ، كاين غير صبري معايا حتى نديرو دارنا ونديرو وليدات وكتبدى رحلى كفاح وطبعا كاين لي كينجح بهاد الطريقة وهوما بزاف، وكاين البنات لب باغين وكيقلبو على هاد النوع ديال الرجال وحتى هوما كيتشطاو من غياب المعقول والولاد دابا ولاو باغين غير يضحكو على بنات ويمشيو، وحت هي فاش كتسولها شنو كتقدم مقابل المعقول ، كتلقاها معندها والو من غير راسها ومهارات ديال إعادة تدوير الطحين والزيت والسكر والملحة لألف وصفة متنوعة، والقدرة ديال شراء الماعن بزاف والمزاحمة نهار التلات مع النبوري في بيم وتمشي للسوق تقدى وتطيب وتولد تفونديك بالولاد حتى تدوز حياتك كلها غير خدام وتوكل فيهم مايكون عندك الوقت حتى تضرب الفكد في راسك آش باغي ولا لاش عايش أو تمارس شي هواية، وكذلك حتى هي نيت وجدوها لهاد نمط العيش، وخصوصا هاد نتائج الهدر المدرسي لي كيكونوا قاريات لدرجة إجادة إستعمال السمارت فون ولكن ماقارياتش بزاف لدرجة يعيقو بخزعبلات شركات النصب الهرمية وصحابات عندك تيليفون خدمي من دارك.

راه حتى مابقاش المعقول عاد شيئا ما المغاربة غاديين وكيوليو يعيشو علاقات طبيعية نسبيا، وكثر الطلاق لي هو مؤشر جيد على أن المغاربة مابقاوش مستعدين يعيشو وسط علاقات مؤذية، شحال هادي المرة كيسلخها راجلها كتمشي غضبانة لدارهم كيدوز سيمانة الدار خاوية والولاد سايبين حتى كتفش المرة ويدي معاه ناس من العائلة ويمشي يردها وكيلقاها كتسنى بحال الأمانة، ويعاود يسلخها عاوتاني وتعاود نفس القصة وبما أن الطلاق غير وارد بتاتا كتنوض تسلخ الدراري تخرج فيهم داك العصب والنتيجة جيل تالفين ليه الموريات ديال المنطق والسبب هو المعقول.

إقرأ الخبر من مصدره

محمد سقراط-كود///

سعد المجرد حسب الدعاوي المرفوعة عليه ماشي غير واحد كان سكران ومغبر ومعاه درية ناض سلخها، بل هو مغتصب بالتسلسل السيد عندو دعاوي كثيرة على نفس الموشكيل وهو العصى وممارسة الجنس بالإكراه، إييه مشهور وبوكوص وعندو الفلوس وأي وحدة تتمناه إلى آخره من داك الكاسيطة ديال بنادم أحادي الخلية، راه لي مغتصب معندوش مع لي كتجي بالخاطر راه الهوس الجنسي ديالو هو في العصى والإكراه والإذلال، كاين واحد الكتاب سميتو الجنس والشباب الذكي ديال المفكر كولن ولسون كيعاود فيه عل واحد خونا كان ساكن في أوطيل وجارتو واحد السيدة زوينة وديما سامر عليها وكيحضيها وهي عاقت بيه وكان عاجبها ولكن هو كان باغي يغتاصبها واحد اللقطة حل عليها الباب ودخل مدرم صحة لقاها واجدة وباغا وكتسناه فمقدرش يقيم حيت هو مغتصب والجنس بالنسبية ليه لا يتحقق إلا بالاكراه وبالعصى والتجنديخ بحال سعد مايديرهاش.

ولكن للأسف فاش كتشوف بنادم كبير وواعي ومثقف وبعقلو ومتضامن مع مغتصب بالتسلسل مرفوعة عليه عدى دعاوى وتابعينو شلا قضايا في تلاتة ديال القارات، خونا موزع جبهات القتال نابليون في أياماتوا ومادارش هادشي في تلاتة دالقارات سعد المجرد دارها، ميريكان وإفريقيا وأوروبا كلها كتشكى وفيها ضحايا وأخيرا تحكم بسباب وحدة فيهم، ومع ذلك كتلقى بنادم كبير في العمر وداير راسو قافز وعايق بالمؤامرات العالمية التي تحاك ضد الأمة، لاواه كاع المشاكل لي عندنا مع فرنسا غادي يمشي ضحيتها المجرد، علما أن المجرد معتارف في المحكمة بأنه سكر وغبر وسلخ وغتاصب غير هو تضرع بأنه مخشاهش فيها، السيد معتارف في المحكمة وهنا عيالات لي ديما كيتشكاو من الرجال وتحرشهم وعنفهم اللفظي والجسدي كتلقاهم متضامنين مع سعد وقاليك محنة وتدوز وبقاو فيهم واليديه.

نقدر نتفهم راجل يدافع على سعد المجرد وهو مدان بالإغتصاب وباقا تابعاه دعوة خرى، ولكن تدافع عليه مرأة لي من المفترض تتفهم الضحية وتتعاطف معاها فهادي فشكل خصوصا من عند نساء مثقفات زعمة وواعيات، أما الفنانات هادوك لا هدرة عليهم غير تابعين جيلالة بالنافخ وماشي من المفروض أنه تكون عندهم أراء ومواقف منطقية، ولكن واحد بحال رشيد الوالي كيقول للمجرد حنا معاك منذ البداية كأنه معركة الحق ضد الباطل، واش رشيد الوالي كون كان سعد شد شي وحدة من عائلتو وسلخها واعتدى عليها جنسيا واش كان غادي يتعاطف معاه ويقوليه داك الهدرة ديال المغاربة كلهم معاك وماتسوقش للشامتين، ولكن لأن الضحية أجنبية وتضرب الطاسة وتشطح في المراقص فهانية تستاهل أو راها غير نصابة،  ولنفرض هادي كانت نصابة وديال ميريكان وديال تونس والمغرب ولخرى نيت في فرنسا، والمغاربة ماشي كلهم مع مغتصب مدان جاب الله لازال بعض العقلاء في هاد البلاد مثل طاقم موقع كود.

إقرأ الخبر من مصدره

ووفقاً للقانون الجديد فإن هذا الفعل لا يعد جريمة جنائية كما كان من قبل شريطة عدم الإضرار بالحيوان.

وبالتالي، تم حذف الاستغلال الجنسي للحيوانات من القانون الجنائي الإسباني كجريمة مستقلة. ولن يعاقب عليها إلا إذا تسبب الجنس في إصابة الحيوان.

فعلى سبيل المثال، في إسبانيا، يواجه الشخص الذي يقتل فأرا تسلل إلى منزله من اثني عشر إلى أربعة وعشرين شهراً في السجن، ولكن لن يتم معاقبته إذا مارس الجنس معه.

وبحسب ما نقلت وسائل إعلام محلية في إسبانيا على لسان وزيرة الشؤون الاجتماعية يون بيلارا قولها أنه تم تصميم القانون لحماية الحيوانات البرية والداجنة، وسيغير التعديل الجديد عدة أقسام من قانون العقوبات الإسباني الذي يعاقب التعامل الجنسي مع الحيوانات منذ عام 2015”.

بموجب القانون الحالي، يمكن سجن أي شخص يمارس الجنس مع الحيوانات أو يستغل الحيوانات جنسياً في إسبانيا لمدة تتراوح بين عام ونصف، لكن عند تعديل قانون العقوبات، سيتم حذف القسم السابق وسيسمى القسم الجديد « جريمة ضد الحيوانات ».

وبناءً على ذلك، لن يعاقب القانون الجديد إلا أصحاب الحيوانات الذين « يؤذون حيواناً، بأي وسيلة أو طريقة، من خلال أفعال ذات طبيعة جنسية تتطلب علاجاً طبياً لإعادة الحيوان إلى حالته الصحية ».
العلم الإلكترونية – وكالات

إقرأ الخبر من مصدره