Étiquette : كاتبة

تم النشر في “گود” بعد موافقة شخصية من كاتبة الحلقات نهال المنصوري

الجزء الرابع :

من بعد ما شرحات لورا علاش دارت داك الفيديو فيوتوب، قالت بلي كانت فعلا فكرة مزيانة حيت كانو الناس لي تعاطفو معاها، و كانو حتى ضحايا سعد لمجرد فالمغرب لي عاودو ليها القصص ديالهم معاه ديال التعنيف و الاغتصاب. و قالت أن هاد البنات ماقدروش يتابعوه حيت السلطة فجنبو، و شي وحدين حيت خايفين من عائلاتهم و من الشوهة…
القاضية طلبات تشوف هاد القصص لي العدد ديالهم 15. لورا وافقات و لكن مابغاتش السميات ديال هاد البنات يبقاو فضوصي، طلبات أن القاضية مور ماتقرا القصص يبقاو فالضوصي بأسماء الضحايا ممحيين باش ماتسببش ليهم فالمشاكل كيفما وقع ليها هي ملي تسربات سميتها. و هادشي لي دارو.

من بعد استدعاء الأم ديال لورا باش يسمعو الأقوال ديالها. الام ديال لورا عاودات كيفاش لورا ماقدراتش تعاود لمها شنو طرا ليها فالأول و بقات كاتهرب منها باش ماتشوفش وجها منفوخ و كيفاش أنها سمعات الخبار من جدات لورا لي عاودات ليها لورا شنو طرا ليها.
كاتعاود أنه الأيام اللولة ماكانوش كايقدو يقيصو لورا فالدار، إلى قاصها شي حد فيهم كادخل فحالة هستيرية.
قالت بلي شي إماراتية عيطات ليهم فتلفون و قالت ليهم تعطيهم 500 000€ و من بعد مليون أورو باش تتنازل لورا على الدعوى.
الام ديال لورا عاودات على كيفاش عاشو التهديدات ديال الفانز د سعد و بلي ماكانوش خايفين هير على لورا و لكن حتا على خوتها الصغار لي حتا هما مابقاوش عايشين حياة عادية.
كاتعاود أم لورا كيفاش كانت كاتألم ملي الناس كانو كيقولو على بنتها موسخة و عاهرة و escort girl فالوقت لي هي ضحية و لي فيها كافيها داكشي علاش قنعاتها باش دير داك الفيديو فيوتوب.

هنا وكيل الجمهورية سول الأم ديال لورا على علاقت لورا بالشهرة و المشاهير. السيدة قالت بلي بنتها ماكتهتمش بزاف بالمشاهير و بلي شي مرة خدمات ف festival de Cannes و ناس لي كانو معاها ضحكو عليها حيت ماكانتش كاتعرف بزاف ديال المشاهير. قالت أنه شي مرة فالعطلة د الصيف طلاقاو مع Mickaël Youn و بنتهم ماعرفاتوش و سولات شنو كايدير.

واحد من المحامين ديال سعد طلب باش يدوز فيديو ديال داك لبواط لي كانو سهرانين فيها.
ملي تفرجو الفيديو، سولو لورا واش هاكا كانت دايرا لبواط ديك الليلة قالت آه تقريبا غير هو ماكانوش هير الناس لي لابسين لباس واعر بحال لي كايبان فالفيديو.
سولو سعد كي كانت لبواط داك الليلة، قاليهم أن لومبيونص كانت مزيانة، واعرة. (واقيلا مافاهمش كاع الغرض من السؤال)

وكيل الجمهورية فكر الناس لي حاضرين أن لورا ديك الليلة كانت لابسة تريكو كحل و دجين و سباط بلا طالون.

من بعد هادشي كان خاص يسمعو الأقوال ديال الضحية التانية ديال سعد. لي هي مغربية فرنسية. هاد السيده حيدات الشكوى ديالها و لكن المحكمة بغات تسمع الأقوال ديالها واخا هكاك. تسناوها تجي ولكن ماجاتش. فالأخير عيطوليها بالفيديو و القاضية طلبات من الحضور باش يخرج حيت السيدة مابغاتش تبان. داكشي لي طرا و ماعرفناهاش شنو قالت.

يتبع…

إقرأ الخبر من مصدره

الجمعة, 3 مارس, 2023 إلى 16:41

مدريد – قالت سفيرة المغرب باسبانيا، كريمة بنيعيش، إن المغرب، تحت القيادة المتبصرة لجلالة الملك محمد السادس، جعل من المساواة بين الجنسين ووضعية المرأة أولوية في كل سياسة حكومية.

وأبرزت بنيعيش، أمس الخميس في الندوة الدولية “المرأة والدبلوماسية”، المنظمة بمعهد الدبلوماسية بمدريد، أن حماية حقوق المرأة بالمغرب تطورت مع تنزيل العديد من المنجزات المطبوعة بتعبئة وطنية حول مشروع مجتمعي قائم على قيم الديمقراطية والمساواة بين الجنسين، فضلا عن اصلاحات قانونية ومؤسساتية تهم أساسا مدونة الأسرة والقانون حول الجنسية وقانون الوظيفة العمومية.

وأوضحت أن المغرب صاغ استراتيجية وطنية للتنمية المستدامة تشكل خارطة طريق لتفعيل التزاماته في مجال البيئة والمساواة بين الجنسين تجاه التغير المناخي مذكرة بأن المملكة أدمجت أيضا في صلب نموذجها التنموي الجديد عدة تدابير تروم تمكين النساء والنهوض بادماجهن وبالتالي تعزيز مشاركة جميع المغاربة في الحركية الوطنية للتنمية.

وسجلت السفيرة أن المغرب اعتمد سنة 2017 استراتيجية لادماج النوع في قطاع البيئة والتنمية المستدامة، تهدف الى التقليص من فوارق النوع في ولوج الموارد الطبيعية وتدبيرها وحمايتها، وكذا تعزيز قدرات النساء أمام التغير المناخي.

وأضافت أن المغرب تبنى أيضا مقاربة النوع في السياسات المرتبطة بقطاع البيئة من خلال منح مساعدات للجمعيات النسائية الناشطة في مجال البيئة ودعم البحث من أجل التطوير وتشجيع المرشحات وادماج مؤشرات النوع في البرامج المتصلة بحماية البيئة.

وأكدت السيدة بنيعيش في اللقاء الذي حضرته كاتبة الدولة الاسبانية في الشؤون الخارجية أنخيليس مورينو بو، أن المغرب يعد رائدا في مأسسة مقاربة النوع عبر ادراج ضرورة تحقيق أهداف الكفاءة في النوع ضمن جميع البرامج المكونة للميزانية.

وخلصت الى أن هذه الارادة السياسية مكنت من جعل النهوض بحقوق النساء حجرة الزاوية في ارساء مجتمع ديمقراطي حديث وتشاركي، وهو ما يتجلى في المواطنة المغربية اليوم.

إقرأ الخبر من مصدره

تم النشر في “گود” بعد موافقة شخصية من كاتبة الحلقات نهال المنصوري

الجزء التالت :

من بعد ما القاضية سمعات الأقوال ديال لورا، سولاتها علاش ماهرباتش ملي كان سعد كاحيد حوايجو ؟ لورا جاوبات بلي كانت فاللول مصدومة و ماعرفات ما دير قبل ماتستوعب داكشي لي طاري ليها.

لورا رجعات لبلاصتها، عنقاتها مها و بدات كاتبكي.

القاضية طلبات من سعد واش عندو شي تعليق على داكشي لي قالت لورا، قال اللا ماعندو تا تعليق.

سمعو من بعد لـsophrologue ديال لورا لي قالت بلي السيدة تضررات بزاف… بلاما ندخلو فالتفاصيل.

من بعد هاد الكلمة، سعد رجع فهدرتو و بغا يجاوب على داكشي لي قالت لورا. قال أنه ماكانش إيلاج و إلى دار شي حاجة لي ضراتها هو طالب السماحة.

هنا واحد من المحامين ديال سعد تدخل، قال أن لورا باغا تشهر على ضهر سعد و سولها علاش بغات المحاكمة تكون مفتوحة للعموم إلى ماكانش الغرض ديالها هو الشهرة و علاش دارت داك الفيديو لي عاودات فيه شنو طرا

لورا جاوبات بلي هي ماعمرها بغات المحاكمة تكون مفتوحة للعموم، و بلي هادشي مديرونجيها بزاف. بلي كاتحس براسها بحال شي قردة فحديقة د الحيوانات و الناس كايتفرجو فيها و كايسمعوها كاتهدر على حياتها الحميمية و هي كاعما كاتعرفهم و ماعرفاتهمش واش كايساندوها ولا كايتشفاو فيها.

لورا قالت بلي المحامي ديالها هو لي قنعها بلي أقصى عقوبة يقدر ياخد سعد هو أن ناس يسمعوه كايهدر على هادشي و يعرفو القصة الحقيقية و يسمعو الاعترافات ديالو من فمو.

قالت بلي الفيديو فيوتوب دارتو بعد عام و نص ديال السبان و التهديد لي كانت كاتعرضليه يوميا من المغاربة لي ماعارفينش شنو طاري من بعد ما تسربات سميتها و بلي مها و المحامي ديالها قنعوها باش تخرج تعاود القصة ديالها.

يتبع

إقرأ الخبر من مصدره

تم النشر في “گود” بعد موافقة شخصية من كاتبة الحلقات نهال المنصوري

الجزء الثاني:

لورا كاتقول بلي ملي دخلات معاه للبيت حيدات صباطها من الأدب حيت البيت كانت دايزة فيه الزربية كامل و مابغاتش توسخها. و حيدات الشال ديالها حيت البيت سخون.
سعد كايقول بلي ملي حيدات سباطها و شال ديالها فهم أنها باغا تنعس معاه ههههههههههههههههههههه

لورا كاتعاود بلي جلسو فالأرض و سعد باسها و تاهيا باستو بالإرادة ديالها حيت عجبها و لكن ماكانش الغرض ديالها هو يديرو علاقة جنسية حيت يالله تلاقاو و مازال خاصهم يعرفو بعضياتهم كتر باش يقدرو يوصلو لهادشي.

المهم و هوما كايتبوسو، سعد زدح ليها راسها معا الأرض. هي مافهمات والو وصحاب ليها فاللول بلي الحركة تدارت بالغلط. ولكن عاودها و ملي بغا يعاود يبوسها ضورات وجها حيت مامتافقاش على هادشي. هو جعر ملي مابغاتش باقي تبوسو. طلع جلس فوق منها و شدها بزز و ضربها و حيد ليها حوايجها و حيد حوايجو و هو فوق منها.
اغتاصبها. وقع الإيلاج مرة وحدة حيت هي بدات كاتقاوم، قجاتو و قجها، بداو كايبانو ليها النجوم و صحابليها صافي غادي تموت. واحد الوقيتة قدرات تزلق ليه و هربات لطواليط و سدات عليها.

جلسات فالطواليط تكالمات و غسلات فمها من الدم و جمعات القوة ديالها باش تخرج تهرب.

ملي خرجات من الطواليط لقاتو تكالما و ولا إنسان وحد آخر. كاتقول بلي شافت فيه ديك الليلة جوج ديال الشخصيات، اللولة لي ضريفة بزاف و كاتهز ليك الهم على حوايج بسيطة بحال واش فيك العطش ولا بالبرد، والتانية شريرة عامرة بالغضب واللي كاتلدد بالعداب ديال واحد آخر.

لورا قالت بلي ملي شافت الشخصية اللولة رجعات، بدات كاتساوي معاه باش تلبس حوايجها و تاخد تليفونها بلا صداع و تهرب بحالها.

و هي كاتلبس حوايجها، سعد مد ليها 150€ و دبليج ديال النقرة. مابغاتش تشدهم و لكن هو بغاها تاخدهم بزز. من بعد طلب منها الزواج، و هي قاتليه ماشي هاكا كايتجوجو الناس، قاليها غادي تكوني سعيدة معايا و غادي نولدو الدراري. وهي تقوليه أنا مايمكنش نتجوج بيك نتا وحش. هنا سعد عاود جعر و بدا كايضرب فيها و كايحاول يعاود يحيد ليها حوايجها.

لورا هاد المرة حيت كانت واقفة، دغيا قدرات تهرب ليه.

ملي خرجات من البيت، لقات فالكولوار جوج ديال الناس خدامين فلوطيل. شافوها تخلعو حيت مضروبة و حوايجها مقطعين. تعرضو ليها باش يفهمو مالها، شوية سعد خارج تابعها بسليب كايجري.

السيدة لي كانت كادير الميناج فبيت واحد آخر فليطاج، بالخلعة جراتها للبيت و سدات عليهم.

السيد تعرض لسعد و هبطو لتحت باش يعيطو البوليس.

هاد الجوج ديال الناس شهدو بهادشي كيفما عاوداتو لورا و شهدو بلي لورا كانت مضروبة و تريكوها مقطع من تلاتة د لبلايص. زائد الكاميرات ديال لوطيل كاتبان فيهم لورا خارجة كاتجري و سعد تابعها بسليب.

يتبع…

إقرأ الخبر من مصدره

تم النشر في “گود” بعد موافقة شخصية من كاتبة الحلقات نهال المنصوري

الجزء الأول :

غنبداو بالأحدات لي عتارفو بيهم سعد و لورا و بعض الشهود يعني لي فيهم تطابق :
القصة و ما فيها أن سعد و لورا تلاقاو فملهى ليلي و شربو و شطحو و هضرو و ضحكو و تعاجبو. من بعد عرضها باش تمشي معاهم يكملو الحفلة مع صحابو و صحاباتو فملهى واحد آخر.
فالطريق قاليها بلي مابقاوش غاديين للملهى حيت مابغاوش يعطيوه الطبلة VIP لي بغا و بلي غادي يكملو السهرة كاملين فالغرفة ديال واحد من الأصدقاء ديالو ففندق l’Intercontinental. وافقات و بصح مشاو لهاد الغرفة كاملين و طلقو الموسيقى و شطحو و شربو و ضحكو و تعاودو. لحد الآن مازال ما كاين لا بوسان لا والو. سعد و واحد الصديقة كانت معاهم اعتارفو للقاضية بلي شمو الغبرة و بلي اقتارحو على لورا تشم معاهم ولكن مابغاتش.

من بعد لورا كاتقول بلي سعد اقتارح عليهم يمشيو يكملو السهرة فالغرفة ديالو ففندق Marriott حيت بغاو يجهدو مزال للموسيقى. هو قاليهم بلي الغرفة ديالو كبيرة و ليطاج ديالو كامل خاوي على ودو و غادي يقدرو ينشطو على راحتهم. لورا و جوج ديال الأصدقاء ديالو قالو واخا. لورا مشات مع سعد فطاكسي و جوج لخرين كانو غايجيو بوحدهم.
لورا و سعد وصلو للوطيل ديالو و دخلو للغرفة على أساس الأصدقاء ديال سعد غادي يخلطو عليهم. ولكن ماعمرهم جاو…
سعد قال أنها كاتكدب و بلي الأصدقاء ديالو ماكانوش غايمشيو معاهم.

(بيناتنا هادو لكلاسيكيات ديال الشاب المغربي لي نسا شي حاجة فالدار ولا خاص يبدل حوايجو ولا خاص يعطي الكلب ياكل… و كايقول للبنت يالله معايا ماتبقايش كاتسناي فالزنقة…تتعدد الوسائل و الهدف واحد)

إقرأ الخبر من مصدره