أعلن عزيز البدراوي، رئيس نادي الرجاء الرياضي، استقالته من منصب نائب أول لرئيس العصبة الاحترافية لكرة القدم، لعدم استفادة ناديه من تواجده بالجهاز الكروي.
وأوضح البداروي خلال مروره، مساء اليوم الخميس، بمحطة « راديو مارس »، أنه لم يشارك بأي قرار بالعصبة الاحترافية لكرة القدم، منذ اختياره نائبا أولا.
وتابع: »إن كان الرجاء متضررا من تواجدي بالعصبة، فانا اليوم أعلن عن استقالتي من منصب نائب أول ».
وجاءت خطوة البدراوي، احتجاجا على قرارات لجنة البرمجة بحسب ما شرح.
ثار جمهور الرجاء ضد الناطق الرسمي للفريق الأخضر، سعد التسولي، ساعات قليلة بعد الخسارة ضد فريق المغرب التطواني.
وتأتي غضبة الجمهور الرجاوي على الناطق الرسمي، بعدما لم يحرك ساكنا حسب تعبير الجمهور الرجاوي، ضد ما يسمونه المهازل التحكيمية ضد فريقهم.
واشتد الغضب بعد إقدام الناطق الرسمي بنشر صور، تهم فيلما تلفزيونيا يشارك في بطولته يعرض خلال شهر رمضان.
وعاينت “سيت أنفو” عرض الناطق الرسمي لمنشورات تهم الترويج للفيلم، المقرر مشاهدته على القناة الأولى تحت عنوان”الروض الأزرق.”
وهاجم جمهور الرجاء، سعد التسولي، لحظات بعد نشره للمنشور في صفحته الرسمية بالانستغرام، داعين إياه بالدفاع عن مصالح الرجاء.
وجيئ بالتسولي لشغل مهمة ناطق رسمي من قبل الرئيس الحالي، عزيز البدراوي لتقوية التواصل في النادي الأخضر.
كود سبور//
رضخ عزيز البدراوي رئيس الرجاء الرياضي لضغط منخرطي النادي والجماهير الرجاوية، وناض رسل ميساج للاتحاد الإفريقي لكرة القدم يتشكى له من الظلم التحكيمي اللي تعرض له الفريق فماتش سيمبا التنزاني، السبت الماضي، بتنزانيا فعصبة أبطال إفريقيا، مع العلم أن صدور اعلان الرجاء مراسلة المكتب المديري للكاف كيتزامن مع تواجد عزيز البدراوي فطنجة باش يتفرج فديربي الشمال ومخلي الخضرا فالمشاكل.
وأعلن نادي الرجاء الرياضي أنه بعث رسالة احتجاج مُبَاشِرة لرئيس الكونفدرالية الإفريقية لكرة القدم منددا فيها بالتدبير الكارثي للطاقم التحكيمي لمباراته أمام نادي سيمبا التنزاني، حيث عرفت المباراة تغاضيا فجا عن ضربتي جزاء للنادي، أمام استغراب كل من تابع المباراة، بالإضافة إلى أخطاء عديدة تم التطرق لها بشكل تفصيلي في هذه الرسالة وكلها ناتجة عن التدبير الكارثي لهذا الطاقم بقيادة الكاميروني NGWA BLAISE YUVEN.
وطالب الرجاء الرياضي في نفس الرسالة، باتخاذ الإجراءات اللازمة في حق الحكام الذين تتكرر تجاوزاتهم و أخطائهم، مما يهدد روح التنافس النزيه في البطولات التابعة للكونفدرالية الإفريقية لكرة القدم. وقد أشارت الرسالة الاحتجاجية أيضا، لإلزام تنبيه الاتحادات الكروية التي تشارك أنديتها في المنافسات الكروية، وذلك بالتزام الحياد فيما يتعلق بالنقل التلفزي وفرض احترام دفاتر التحملات بما في ذلك السهر على إعادة جميع اللقطات في وقتها المحدد.
وأكد نادي الرجاء الرياضي لجماهيره الوفيّة وللرأي العام الوطني، أنه سيحرص على المواكبة الجادة لهذا الملف، وعدم السكوت عن الأخطاء التحكيمية المتكررة التي يتعرض لها، وأنه سيسلك كل السبل القانونية والمشروعة لحماية مصالح النادي.
كود سبور//
كيفما كشفات “كود” فوقت سابق فالبعثة ديال الرجاء الرياضي اللي مشات إلى تنزاتيا مع الفريق باش يلعب ضد سيمبا التنزاني، كانوا فيها شي وحدين برانيين على النادي وما عندهم صفة، وهادشي أكداتو تصويرة البعثة مع سفير المغرب بتنزانيا.
بعثة الرجاء الرياضي فدار السلام بتنزانيا ومن بعد الماتش ضد سيمبا، مشات معروضة عند سفير المغرب بمناسبة الانتصار اللي حقق الفريق، وتما كان حاضر، وحسب منخرطين رجاويين، واحد الشخص جا رفق البعثة الاسم ديالو سرحان، وراه كان فالصورة الجماعية اللي التقطت لأفراد البعثة الرجاوية مع السفير المغربي بتنزانيا.
المنخرطين منذ رحيل بعثة الرجاء الرياضي إلى تنزاتيا وهم غاضبين حيث البعثة مشاو فيها شي وحدين ما عندهم علاقة بالفريق، وهاد سرحان اللي سافر مع الفريق واللي هو ما منخرط ما عضو بالمكتب المديري، وحسب المصادر ذاتها، هو صاحب عزيز البدراوي، وهادشي كيأكد بلي فعلا أشخاص مشاو مع الخضرا فهاد الديبلاصمون وما عندهم حتى علاقة بالنادي وبرانيين عليه.
واستغربو المنخرطين من سفر هذا الشخص مع بعثة الرجاء الرياضي، وشنو الدور ديالو، شنو مشى يدير مع الفريق، فالوقت اللي كيروج شي كلام من المدافعين على عزيز البدراوي على أن هذا الشخص هو رجل أعمال فهذاك الشي ديال IPTV وكيعاون الفريق، ولكن المنخرطين ردوا عليهم وقالوا لهم إلى كان رجل أعمال وباغي يعاون النادي يخلص الانخراط فحالو فحال جميع المنخرطين، ويعاون مع راسو النادي، ويدخل للمكتب المديري كاع، ولكن الأمور تكون مضبوطة، ماشي يسافر مع البعثة وبدون صفة.
هادشي راه شكل إحراج للبدراوي والمحيط ديالو، حيث الرجاء وضعت قطيعة مع زمن السفريات على حساب الفريق من وقت الرئيس الأسبق محمد بودريقة ومن وراه جواد الزيات وبعدهم أنيس محفوظ، وكلشي متخوف يرجع السفر فابور على حسب الفريق فعهد الرئيس البدراوي، خصوصا وأن الأخير صيفط الرجاء مسخسخة فرحلة غير مباشرة إلى تنزانيا وحتى فروتور، حيث عجز يوفر طائرة خاصة تنقل الفريق نيشان.
كود سبور//
شدات بعثة الرجاء الرياضي صباح اليوم الأحد الطريق من تنزانيا راجعة إلى المغرب من بعدما ربح الفريق الأخضر المضيف ديالو سيمبا التنزاني البارح السبت فدار السلام، بالأداء وبنتيجة 3 لزيرو فالجولة 2 من ليكروب ديال عصبة أبطال إفريقيا لكرة القدم.
وانطلقت بعثة الرجاء الرياضي فطريق العودة إلى المغرب وغتكون عندها رحلة شاقة أخرى، حيث طريقها ما غاديش تكون نيشان، وخذات البعثة الطائرة من دار السلام وراه دابا غاديا إلى العاصمة القطرية الدوحة وفالمطار ديال حمد الدولي غيكون على الفريق ينتظر شي 7 السوايع تقريبا، وهو كيتسنى الطائرة اللي غتجيبو إلى المغرب وغيوصل تقريبا غدا الاثنين.
هذه الرحلة الشاقة ديال الرجاء الرياضي كتوضع عزيز البدراوي رئيس النادي فموقف صعيب ومحرج قدام المنخرطين فالخضرا والجماهير الرجاوية، خصوصا وأن الفريق حقق انتصار على سيمبا بالأداء والنتيجة وعزز صدارتو فلكروب 3، ولكن الديبلاصمون هو النقطة السوداء، حيث الخضرا مشات مسخسخة لتنزاتيا فرحلة غير مباشرة وغترجع مسخسخة وبنفس الطريقة، لأن البدراوي عجز يوفر للفريق طائرة خاصة تديه وتجيبو نيشان، مع العلم أن الرجاء كتسناهم مباراة الأربعاء المقبل مع التواركة فالبطولة وهادشي يقدر يؤثر على النتيجة فهاد الماتش.
كود سبور//
كيعيش برلمان الرجاء الرياضي حالة غليان تسبب فيها رئيس الفريق عزيز البدراوي، والاختيارات اللي قام بها فتعيين اللجان اللي غتسير النادي خلال المرحلة المقبلة.
عدد كبير من المنخرطين فالرجاء الرياضي عبروا عن استياءهم من اختيارات عزيز البدراوي والأسماء اللي اختارها باش تسير اللجان، واستغربوا من تواجد عدد من الأشخاص فيها، وهادشي نظرا لعدم توفرهم على التجربة اللازمة وما عارفنيش النادي مزيان مقارنة بالأشخاص اللي كانوا مرشحين وكان كيفاوضهم ورفضوا يدخلو معه للجان والمكتب المديري حيث ما بغاوش يكونوا أعضاء بالصفة والاسم وبدون ممارسة فالواقع، وحتى ضبابية مستقبل الرجاء مع البدراوي خلاتهم يتراجعو ويرفضو يحطو يدهم معه.
برلمان الرجاء الرياضي وحسب مصادر مطلعة، كان معول أن عزيز البدراوي يوصل لحل مع عدد من المنخرطين اللي عندهم كلمتهم وسط النادي واللي دخل معهم فمفاوضات منذ مدة باش يدخلو معه للمكتب المديري، ولكن ما وصلش معهم لاتفاق وهم ما بغاوش يكونوا درع حماية له من انتقادات باقي المنخرطين ورفضهم الانضمام له خلاه يعين اسماء أخرى أغلبها كيعرفها غير هو، وهادشي تسبب فغضب وسط المنخرطين ديال النادي اللي زادو تقلقو عليه بسبب الاختيارات الفاشلة ديالو نفس جا وايضا التسيير الانفرادي ديالو اللي دخل الفريق فمشاكل كثيرة ملي طلع رئيس.
للإشارة وحسب نفس المصادر، فمن بين الأسماء اللي اختارها عزيز البدراوي رئيس الرجاء الرياضي لتسيير النادي كاين عبد اللطيف خير شقيق الممثلة فاطمة خير مرات الممثل سعد التسولي الناطق الرسمي الحالي ديال النادي، وكذلك عين على رأس واحد اللجنة بالرغم من أن طلب الانخراط ديالها مازال ما تم المصادقة عليه، حيث فالجمع العام فين كتم المصادقة على انخراط شخص جديد من طرف المنخرطين فالنادي أو التشطيب على منخرط.
كود سبور//
كيواصل عزيز البدراوي رئيس الرجاء الرياضي المحاولات باش يجمع مكتب مديري جديد للنادي كيستوفي الشروط والشرعية وكيحترم المكونات ديال الخضرا، من بعدما قفرها فالمرحلة السابقة ملي طلع رئيس وجاب شي وحدين عمرهم كانوا منخرطين ولا مسيرين وكاين فيهم اللي ما خلص حتى مبلغ الانخراط ملي دخل للمكتب، وهادشي تسبب فمشاكل للفريق منذ الصيف الماضي.
ومن بعدما دخل فمفاوضات مع عدد من المنخرطين البارزين فالرجاء واللي عندهم كلمتهم داخل النادي، باش يدخلهم معه للمكتب المديري فإطار التغييرات اللي كيدير باش ياخد الشرعية قدام برلمان الرجاء، من بعدما بعد المنخرطين فخطوة سابقة واعترف بأنه غلط فهادي، من المنتظر يعقد البدراوي وحسب مصادر مطلعة، اجتماع جديد وهو الثاني فأقل من يومين مع هاد المجموعة من المنخرطين فالنادي واللي حتى هم عندهم شروطهم مقابل أنهم يدخلو يسيرو معه وهادشي اللي كيخلي المفاوضات طويلة ما بينهم وبينو، وأن هاد المفاوضات كتمر بسرية تامة وتحفظ كبير من هاد المنخرطين.
المصادر نفسها، أكدت أن حتى حاجة ما تحسمت فالائحة المرشحة للدخول إلى المكتب المديري واللي كان كشف عليها “كود” فوقت سابق، وأن هاد اللائحة اللي فيها خالد فاكيرني وعبد الإله الإبراهيمي وخالد النقري ومصطفى دحنان وأسماء أخرى راه تقدر تكون هي وتقدر تغير بأسماء أخرى على حساب المفاوضات ما بين جميع الأطراف، خصوصا وأن المنخرطين ما باغيينش يكونو أعضاء بالمكتب المديري بالاسم والصفة فقط ويكونوا غطاء حماية للبدراوي قدام انتقادات برلمان الرجاء والجماهير ديالو الفريق، ولكن عندهم رغبة باش يشاركو فاتخاذ القرارات الحاسمة فتسيير النادي وهادي من بين شروطهم اللي كيركزو فيها على البدراوي أو أنهم يبقاو فمراكزهم كمنخرطين ويراقبو عمل المكتب المديري فحالهم فحال جميع الرجاويين.
كود سبور//
تفاجأت مكونات الرجاء الرياضي بالمرافقين اللي مشاو مع الفريق لتنزانيا باش يلعب ضد سيمبا التنزاني فعصبة أبطال إفريقيا واللي ما عندهم حتى علاقة بالفريق الأول، وكاينة مخاوف كثيرة من تأثير هادشي على الفريق والنتيجة فهاد الماتش المهم بالنسبة للنسور.
والبداية بوفاء المسيوي رئيسة الفريق النسوي ديال الرجاء واللي فبلاصت ما تقابل فريقها اللي غارق فالمشاكل ومحتل المركز الأخير فبطولة السيدات، تفاجأ كلشي بأنها مشات مع الفريق الأول لتنزانيا والأكثر من هادشي هي الرئيسة ديال بعثة الرجاء إلى دار السلام.
البرلمان ديال الرجاء يغلي والمنخرطين غاضبين حيث هاد وفاء المسيوي ما عندها خبرة مع الفريق الأول، ما عندها تجربة السفر خارج المغرب مع ليكيب، وكاملين كيسولو على شنو سبب اختيارها باش ترأس بعثة الرجاء الرياضي إلى تنزانيا خصوصا وأن الرحلة ماشي سهلة، والفريق خاصو يرجع بالرباح إلى المغرب واللي غيكون رئيس البعثة خاصو يكون ضرب الطويل مع الخضرا فالديبلاصمون مع الرجاء باش يحل أي مشكل خرج ويضمن سلامة وراحة اللاعبين والبعثة كاملة، واختيار وفاء المسيوي رئيسة البعثة يثير الشكوك والاستغراب.
وهنا المنخرطين فالرجاء الرياضي بداو كيسولو على الحاج دحنان، قيدوم المنخرطين والمسيرين فالنادي والمتخصص فالتخطيط لرحلات الرجاء فلافريك وعلاش تم الإبعاد ديالو من ترأس هاد البعثة، فالوقت اللي كتقول شي مصادر أنه كاين خلاف ما بين الحاج دحنان والرئيس عزيز البدراوي بخصوص تشكيل المكتب وهذا سبب من أسباب إبعادو من مرافقة الفريق هادشي بالاضافة إلى عبد السلام حنات الرئيس السابق واحد حكماء النادي وهو من المسيرين اللي كانوا دائما كسافرو مع الفريق ولكن ملي جا البدراوي بعدوه.
مصادر مطلعة كشفت أن اختيار وفاء المسيوي لرئاسة بعثة الرجاء الرياضي إلى تنزانيا ماشي هو فقط اللي غريب، ولكن راه بعثة الفريق من المغرب إلى دار السلام مشاو معها حتى شي وحدين اللي ما عندهم علاقة بالرجاء لا هم منخرطين ولا هم مسيرين ولكن القرب ديالهم من المكتب المديري سهل لهم هادشي وكاينين مخاوف كثيرة لا ترجع السفريات بالمجان على حساب الفريق من جديد للرجاء فعهد البدراوي، وهذه ظاهرة تم القضاء عليها فعهد محمد بودريقة وزاد قطع معها الرئيس الأسبق جواد الزيات ومن بعدهم أنيس محفوظ.
يستعد رئيس نادي الرجاء الرياضي، عزيز البدراوي، لإجراء مجموعة من التغييرات على مستوى المكتب المسير.
وأكد مصدر لموقع “سيت أنفو” أن البدراوي يجتمع مع بعض المنخرطين من أجل تحديد الأسماء التي ستعوض أخرى في المكتب المسير للنادي.
وتابع أن تحرك البدراوي، جاء لتعزيز عمل المكتب المسير، وضمان الاستمرارية الخاصة بخدمة الفريق بتفان وطموح، وفق ما شدد عليه في مناسبات سابقة.
ويرتقب أن يستقر البدراوي على الأعضاء الجدد في المكتب المسير للرجاء، على أن يتم الإفصاح عنهم، خلال الساعات القادمة، بالصفحات الرسمية للفريق بمنصات التواصل الاجتماعي.
