Étiquette : فتيحة

محمد سقراط-كود///

في بلاد مافيهاش مراحيض عمومية تحكمات فتيحة بعامين دالحبس حيت خرات في فيديو وراجلها بعامين حيت شم، وفي بلاد دنيا باطمة مشدودة في عصابة إجرامية ديال الإبتزاز والقرصنة أعضائها كلهم دوزو الحبس إلا دنيا راها في حالة سراح كتدور تجمع لغرامة من عرس لعرس ومقابلة المعاطية مع صديقات راجلها لي بحال خواتاتو حسب ماقال، وفي بلاد مختلسي المال العام مكيدوزوش حتى عام ديال الحبس هادشي الى تحكموا بيه نافذ، وفي بلاد القضاء كيعطي عامين على الإغتصاب والكريساج ومحاولة اغتصاب الأطفال وهتك العرض والعديد من الجرائم مكيشدوش الحبس بزاف كيف خاص، واحد كان وقف على وحدة يكريسيها وقطع ليها يدها كلها مابقاتش عندها عطاوه عشرة دوز فيها شي تمنية أو قل وخرج كيدور حداها بالعفو، عامين لفتيحة

وراجلها راه بزاف من هادي للكولاك راه مكاين حتى فرق.

عامين ديال الحبس كثيرة وبزاف واخا معرت شنو يكونوا دارو هاد فتيحة وراجلها، والموشكيل هو الناس لي فرحانين لهاد الأحكام وكيعتابروها إنتصار للعقيدة السليمة وعودة الدولة إلى رشدها، بحال الى هوما مكاينش احتمال هادشي يوصلهم شي نهار أو يوصل ولادهم أو أقرابهم في حالة كان موجة راه غادا تدي كولشي ماغاداش تعزل، مايمكن للواحد إلا يكون مخوطر ومحقاد وكنيمة باش يفرح لإعتقال والحكم بعامين على كوبل كيديرو فيديوات في يوتوب ماشي في قناة عمومية، وماهدرو في دين ماهدرو في سياسة داكشي لي داروه كيدار كثر منو وكان كيدار ومع ذلك هوما بوحدهم لي مشاو ضحية لحكم قاسي جدا.

اليوتوب مصدر دخل لبزاف ديال الناس كاين لي ناشرين فيه العلم كاين لي ناشرين لخرى نتا كمشاهد ختار شنو كيعجبك بلا ماتطلب من الدولة تكون توليتارية وحشية فحشية وهي تحدد شسنو باغي تشوف نتا وفوقاش كأنك معندك دماغ شخصي لي تقدر تحدد بيه الصواب من الخطأ، وكأن المغاربة مجبرين يكونوا نسخ من بعضياتهم لنجاح المشروع التنموي الكبير، هذا عصر التنوع والإختلاف ومايمكنش تدير رقابة على الأنترنيت إلا من ناحية المداخيل ويتنضم القطاع ضريبيا، أما قوانين النشر راه المنصات لي مكلفة بيها ماشي القضاء المغربي.

إقرأ الخبر من مصدره

العلم الإلكترونية – متابعة 

أدانت المحكمة الابتدائية بمدينة تمارة، يوم أمس الأربعاء 26 أكتوبر الجاري، « فتيحة » صاحبة فيديوهات ما يطلق عليه بـ »روتيني اليومي » بالسجن النافذ لمدة سنتين، هي وزوجها، وغرامة مالية قدرها 500 درهم.   وتضمن حكم المحكمة الصادر في حق فتيحة وزوجها، تهم موجهة لهما بالإخلال العلني بالحياء، وإعطاء القدوة السيئة للأبناء والأطفال، والتحريض على ارتكاب جنحة.   وكانت المحكمة قد رفضت طلب الدفاع الرامي إلى إجراء خبرة نفسية على المتهمة، وإيفاد مفوض قضائي قصد التوجه إلى مستشفى الرازي للأمراض النفسية والعقلية في مدينة سلا؛ حيث أفادت المتهمة، أنها تتابع فيه علاجها من مرض القلق العصبي، منذ 27 يوليوز من السنة الماضية.   ودامت جلسة محاكمة فتيحة أزيد من خمس ساعات، حيث عرضت النيابة العامة تقريرا أصدرته المساعدة الاجتماعية، الذي أشار إلى أن أطفال فتيحة أحدهم يشكو من التنمر داخل مؤسسته التعليمية والآخر يعاني من اضطراب نفسي أثر سلبا على مساره الدراسي.   وفي المقابل، أوضح دفاع المتهمة أن التنمر الذي يتعرض له أطفال موكلته هو من طرف أشخاص آخرين، وليس بسبب والدتهم المتابعة بتهم إعطاء قدوة سيئة للأطفال، فهي كأم رفقة زوجها توفر جميع شروط المعيشة لأطفالها من مأكل وملبس ودراسة..   والمتهمة أم لثلاثة أطفال، تتراوح أعمارهم ما بين 15 و12 و5 سنوات؛ بعد اعتقالها رفقة زوجها، أحيلوا جميعهم على قاضي الأحداث، غير أنهم رفضوا الالتحاق بأية مؤسسة خيرية من أجل رعايتهم، مفضلين الالتحاق بخالتهم التي تقطن في مدينة القنيطرة.

إقرأ الخبر من مصدره