وكالات//
عرف الإقليم الشمالي فأستراليا لحظة مرعبة تجسدات فخروج تمساح كبير من تحت طوموبيل رباعية الدفع كانت كتدوز من واحد المعبر اللي مغمور بالماء.
وبان فواحد الفيديو، اللي صوّرو ماتيو ماستراتيسي، تمساح كيخرج فجأة من تحت طوموبيل “تويوتا هايلوكس” كحلة، وهي كتدوز معبر “كاهيلز” فمنتزه “كاكادو” الوطني، وهادشي نهار الأحد مع الظهر.
@abcnewsaus
The footage shows a vehicle driving over a crocodile at Cahills Crossing in Kakadu National Park. The infamous crossing, which passes through the East Alligator River, is known for its high population of crocodiles. To personalise your news & stay in the know, download the ABC News app via the link our bio. #ABCNews #Croc #NT #4WD #CahillsCrossing #Kakadu
♬ original sound – ABC News Australia – ABC News Australia
ماستراتيسي كال لصحيفة “ديلي ميل أستراليا” أنه كان واقف بسيارتو كيتسنى الما ينقص، وشاف داك الطوموبيل كتجرب تدوز. وبما أن الماء كان طالع، التمساح ما كانش باين، وبقى عالق شوية تحت الطوموبيل قبل ما يقدر يخرج.
الفيديو كيبيّن فم التمساح الكبير كيبان من الجنب ديال العجلات الخلفية، والسيارة كتدوز بصعوبة وسط الما.
السائق قدر يوصل لحافة المعبر وتراجع شوية، وهادشي عطى للتمساح الفرصة باش يهرب ويعوم بعيد. وماستراتيسي كال إن السائق ما كانش عارف باللي كاين تمساح، ولكن تصرف بطريقة ذكية وما وقفش فوسط المعبر، وهادشي خلاه يتفادى الخطر.
ماستراتيسي زاد كال إن التمساح بان عليه منزعج، ولكن ما تقاسش، وشافو من بعد كيرتاح حد المعبر.
الفيديو دار البوز، وتشاف أكثر من مليون مرة فالسوشيال ميديا، وخلى الناس ما بين اللي خافو على التمساح، واللي ضحكو من غرابة الموقف.
ويُعرف معبر “كاهيلز” بأنه منطقة كتكثر فيها التماسيح وقت المد، حيت كيجيوها بزاف ديال الحوت اللي كيجيبوهم التيارات العكسية ديال الما.
إقرأ الخبر من مصدره
